قیشلاق‌لرنی رواجلنتیریش وزیری نصیراحمد درانی، لوگر ولایتی‌ده 286 میلیون افغانی ارزشلی 16 سوو ییتکزیش کانال لایحه باشله‌نیشی‌دن خبر بیره‌دی و اوشبو لایحه آرقه‌لی 60 مینگ کیشی‌گه ایش زمینه‌سی یره‌تیله‌دی. بوگون «سه‌شنبه» لوگر ولایتی‌ده خبری بیر ییغینده نطق سوزله‌گن درانی‌نینگ ایتیشیچه، مذکور 16 کانال‌نی قوریش ایشی بیر ییل جریانیده یکونلنه‌دی و اونینگ خرجتی قیشلاق‌لرنی رواجلنتیریش وزیرلیگی بیلن دنیا بانکی تامانیدن تول‌لنه‌دی.
اونگه کوره، اوشبو کانال‌لر لوگر ولایتی‌ده ایکینچیلیک رواجلنیشی و یوکسلیشی خصوصیده منفعت‌لی بولیب و خلق اقتصادی وضعیتی اوستیگه ایجابی تأثیر تشله‌یدی.
عین حالده، لوگر والیسی محمدحلیم فدایی‌نینگ ایتیشیچه، اوشبو لایحه باشلنگن تقدیرده، 15 مینگ مسلکی کیشی و 55 مینگ مسلک‌سیز کیشی اوچون بیر ییل‌لیک ایش زمینه سی یره‌تیلیشی ممکن. جناب فدایی، بونده‌ی لایحه‌لر عمل‌گه آشیریلیشی‌نی ناتینچلیک کمه‌ییشی و ایش‌سیزلیک اورته‌دن کیتیشی اوچون تأثیرچین دیب بیله‌دی.
