لوگر ولایتی معارف ادارهسینینگ مسؤوللری، ولایتنینگ آلتی مکتبی مدیری ملی امنیت ادارهسی آرقهلی قولگه آلینگنلیکلری بارهسیده خبر بیرگنلر. ایتیلشیچه، مذکور شخصلر طالبلر ییغینیده اشتراک قیلگنلیک عیبی بیلن حبسگه آلینگن.
لوگرولایت معارف ادارهسینینگ معاونی وزیراحمدمومندنینگ سلاموطندارگه ایتیشیچه، مذکور مکتبلر ولایتنینگ اوزاق منطقهلریده جایلشگن و اوشبو مکتبلر ایشیگی یاپیلمسلیگی اوچون ایریم پیتلرده بو مکتبلرنینگ مدیری طالبلر بیلن علاقهده بولیب تورهدی.
حادثهنی تصدیقلهگن ولایت سوزلاووچیسی محمدسلیم صالح، ملی خوفسیزلیک ادارهسی تامانیدن بو توغریده تیکشیروو باشلنگن دیگن. جناب صالح گه کوره، تیرگاودن سونگ مذکور مکتبلرنینگ مدیری نیمه اوچون طالبلر بیلن اولتیرگنلیگی معلوم بولهدی.
شونینگدیک اوتگن هفته طالبلر پلعلم ولسواللیگیده تورت مکتب مدیرینی قولگه آلگن ایدی. مذکور شخصلر قیزلرنی تورتینچی صنفدن یوقاری درس اوقیشلری اوچون توسیق بولگنلیکده عیب لهنیب اوشلنگن.
شوکبی بوندن آلدین ارزگان ولایتی شفاخانهسینینگ رییسی خان آقا میاخیل، (آی اس آی) یا پاکستان جاسوسلیک ادارهسی بیلن علاقهسی بارلیکده گمان قیلینیب حبسگه آلینگن ایدی. ایتیلیشیچه، جناب میاخیل اوز لوازمینی سوء استعمال قیلیب، پاکستان جاسوسلیک ادارهسیگه علاقهدار شخصلرنی ساغلیقنی سقلش ادارهسیگه ایشگه آلگن.