لوگر ولایتی‌نینگ محلی رسمیلری، مذکور ولایت‌نینگ بیر قنچه منطقه‌لریده موجود جیرکنچ رسم و رواج‌لر سبب بلاغت‌گه ییتمه‌گن قیزلر ایرته تورموش‌گه چیقاریله‌دیلر دیگن‌لر. اوشبو منطقه‌لرده کوپینچه قیزلر تورلی مال متاع‌لر بیلن المشتیریله‌دی.
لوگر ولایت خاتین – قیزلر ایش لری بوییچه اداره باشلیغی شیما زرگر، اوتگن بیر ییل جریاینی‌ده عیال‌لرگه قرشی 50 مورد رسمی و 96 نا رسمی زوروانلیک رویخط‌گه آلینگن دیگن. بولرنینگ کوپچیلیگی روزدن تورموش گه چیقاریش حال‌لری بولگن.
بانو زرگرگه کوره، ولایت مرکزی قوشیمچه توم‌نلرده عیال‌لرگه قرشی زوروانلیکنی کمیتیریش اوچون ییریک معلومات بیریش لایحه‌سی باشلنگن.
اما، لوگر ولایت کینگشی‌نینگ اعضالریدن بیری نفیسه هجران، عیال‌لرگه قرشی یوز بیرگن زوروانلیک حادثه لری تیکشیریلمه گن لیگی بونده‌ی واقعه‌لرنی کوپ – کوپ روی بیریشی‌گه باعث بوله‌دی دیگن. شونینگ‌دیک اخیرگی ییل‌لرده بو ساحه‌ده هیچ قنده‌ی عملی ایش بولمه‌گن دیگن.
خانم هجران‌گه کوره، کوپینچه عیال‌لر قنده‌ی قیلیب و نیمه اصول بیلن اوز قیین چیلیک‌لرینی رسمیلریگه ییتکزیش‌نی بیلمیدیلر.
بلاغت‌گه ییتمی ایرته تورموش‌گه چیقاریلگن اونلب قیزدن بیری شکریه دیر. لوگر نینگ پل علم مرکزیدن بولمیش مذکور قیز نینگ سلام‌وطندارگه ایتیشیچه، « اونگ سولی نی بیلمس ایدیم، مینی 65 یاشر بیر ایرککه تورموش‌گه چیقاردی‌لر» شکریگه کوره، قیسقه مدت تورموش اورتاغی بیلن حیات کیچیرگن‌دن کیین ایری تاماندن اویدن چیقاریلیب آته‌سی‌نینگ اویی‌گه کیلتیریلیب قوییلگن.
اونینگ حکایه‌سی‌گه کوره، قیری تورموش اورتاغی بیلن حیات‌نی اینگ مشقتلی روشده اوتکزگن. دایم او ایری آرقه‌لی کلتک لنگ لیگی‌نی بیلدیرگن.
حسابات‌‌لرگه قره‌گنده میلادی 2014- ییلده مملکت بویلب انسان حق و حقولری اداره‌سی تامانیدن 2026 کیشی گه قرشی اویوشتیریلگن زوروانلیک رویخط‌گه آلینگن.
شونینگ‌دیک بیر لشگن ملت‌لر تشکیلاتی تامانیدن ترقه تیلگن ینگی حسابات‌لرده، افغانستانده عیال‌لرگه قرشی زوروانلیک میزانی آشگن لیگی میلادی 2015- ییل ده مملکت‌ده بو قتلم گه قرشی زوروانلیک 37% آشگن.
افغانستان بیرلشگن ملت‌لر تشکیلاتی‌گه عیال‌لرگه قرشی زوروانلیک‌که مبارزه قیلیش اوچون قول قویگن 187 ممکت‌دن بیری. اما، هنوز هم سونگی بیر نیچه ییل جریاینده بو ساحه‌ده افغانستان حکومتی‌گه دنیا همجمعیتی‌نینگ کورستگن یاردم لریگه قره‌می، هنوز هم افغانستانده خاتین قیزلر- ییریک قیینچلیک‌لر بیلن روپه ره‌لر.
