.jpg)
لوگر ولایتی‌نینگ پل‌علم مرکزیده جمهور رییس‌نینگ بویروغی اساسیده اوز باشیمچه قوریلگن یوز او بوزیب تشلندی. مذکور شهرده 1200 جریب ییرده یوزلب اوی ناقانونی روش‌ده قوریلگن. بو ییر دولت‌گه قره‌شلی بولگن لیگی عالی محکمه تامانیدن تصدیق لنگن‌دن کیین اویلرنی بوزیب تشلش کمپاینی باشلنگن.
لوگر ولایت والیسی‌نینگ سوزلاووچی‌سی سلیم‌صالح، ولایت مقامی، پولیس قوماندانلیگی، قره‌لاوچیلیک، ایکینچیلیک اداره‌سی و شهردارلیک‌دن تشکیل ایتیلگن کمیسیون تامانیدن اوز باشیمچه قوریلگن یشش اویلر اوچ کون ایچیده بوتونلی ویران ایتیله‌دی دیگن.
ولایت امنیه قوماندانی محمد داوود احمدی‌نینگ سوزلریگه کوره، لوگرنینگ چمه‌سی 17 % ییری زوروان کیشی‌لر تامانیدن تارتیب آلینگن و زوروان شخص‌لر اوشبو ییرلرنی قولدن بیرمس‌لیک اوچون هیچ قنده‌ی سعی و حرکت‌دن قول تارتمه‌گن‌لر.
جناب احمدی، ییرلرنی ناقانونی تارتیب آلگن شخص‌لرنینگ رویخطی تیارلنیب، اوشبو کیشی‌لر تیزلیکده قولگه آلینه‌دی دیگن.
.jpg)
اما، یشش اویلری ویران ایتیلگن اونلب خانه دان شهر مرکزی پل‌علم‌ده نمایش اوتکزیب، اویلری و مال ملک‌لری اوچون قانونی حجت‌لری بارلیگینی ادعا قیلگن‌لر. اولرگه کوره، امنیتی اداره‌لر رسمیلری، باشدن پاره آلیش بیلن مذکور ییرلرده اوی قوریلیشی اوچون توسیق بولمه‌گنلر.
حسابات‌لرگه قره‌گن‌ده، لوگر ولایتی‌ده دولت‌گه قره‌شلی 34مینگ جریب ییردن 16 مینگ جربی زوران کیشی‌لر تامانیدن تارتیب آلینگنی معلوم بولگن.
بوندن نیچه وقت آلدین « افغانستان آزاد اویی» بیر بیانات ترقه‌تیب، مذکور اداره‌نینگ قولگه کیریتگن حسابات‌لریده افغانستان نینگ 18 ولایتی‌ده بیر میلیون 954مینگ 245 جریب ییر عضب ایتیلگن دیگن ایدی.
اوشبو گزارشده، بو ییرلرنی روزدن تارتیب آلگن‌لیک اوچون 16 مینگ کیشی نی قولی بارلیگی انیق لنگنی ایتیلگن.
بولرنینگ هر بیری 10 مینگ جریب دن بیرمینگ جریب گه قدر ییرنی زوردن تارتیب آلگن‌لر.
گزارشده، ییرلرنینگ کوپچیلیگی کابل، هرات، بلخ، قندهار، ننگرهار، قندوز، کاپیسا، بغلان، تخار، نیمروز، خوست، لوگر و غزنی ولایت‌لریده زوروان کیشی‌لر آرقه‌لی تارتیب آلینگی قید ایتیلگن و اینگ کم ییرلر نورستان، دایکندی، پکتیکا، پنجشیر و غور ولایت‌لریده غضب بولگن.
افغانستان آزاد اویی ناملی اداره بو توغریده‌گی حساباتینی افغانستان جمهور رییسی محمد اشرف غنی «ایکینچیلیک فرهنگی‌نی رواجلنتیریش ملی کنفرانسی‌ده» حکومت‌نینگ بلند مرتبه‌لی رسملیریدن غضب ایتیلگن ییرلر قیته‌دن آلینیشی اوچون لازم تدبیر آلیشلرینی سوره‌گن دن بیر کون آلدین ترقه‌تیلگن ایدی.
