.jpg)
هرات ولایتی‌ده لاجورد یولی کیلیشووی گه اعضا مملکت‌لرنینگ ایش بیلرمانلرینی ایکینچی ییغینی یولگه قوییلدی.
تشقی ایشلر وزیرلیگی‌نی اقتصادی همکارلیک‌لر باشلیغی حسن سروش‌نینگ ایتیشیچه، اوشبو ایکی کونلیک ییغینده لاوجورد یولی قطار چیزیغی‌نی ترانسپورت شرطنامه‌سی نهایی بولیشی خصوصیده، سعی و حرکت قیلینه‌دی.
جناب سروش نینگ کوپه‌یتیریشیچه، بونگه علاوه لاجورد یولی ایکینچی ییغینیده لاجورد یولی‌دن عملی شکلده فایده‌لنیشی توغریسیده ایشلنه‌دی.
اونینگ اورغولشیچه، اوشبو موضوع اوچون لاجورد یولی‌دن سیناو شکلده بیر یوکلمه سوداگرلیک توارلری کیلیشووگه اعضا مملکت‌لرگه انتقال بیریلیشی خصوصیده قرار قیلینگن و بو ایش لاجورد یولی کیلیشووی گه اعضا مملکت‌لرنینگ آره‌سیده بولگن همکارلیک فرصت‌لر و قیین‌چیلیک‌لر مشخص بوله‌دی.
لاجورد یولی‌دن فایده‌لنیلگن صورتده، افغانستان‌نینگ سوداگرلیک توارلری ییر آرقه‌لی ترکمنستان، آذربایجان، گرجستان، قاره دینگیز و ترکیه‌دن اوتیب مدیترانه دینگیزی و اروپاگه ییتکیزیلیشی ممکن.
عین‌حالده، تشقی ایشلر وزیرلیگی‌نی اقتصادی همکارلیک‌لر باشلیغی‌نینگ ایتیشیچه، بیرینچی تیکشیریش‌لرگه کوره، لاجورد یولی‌نینگ آست قورلمه‌لرینی قوریش اوچون ایکی میلیارد دالرگه نیاز دیر.
ترانسپورت وزیرلیگی‌نی اورین باسری امام‌محمد وریماچ‌نینگ ایتیشیچه، لاجورد یولی‌نی ترانسپورتی بیر رقابتی یولگه اوزگرتیریش اوچون حکومت سعی و حرکت قیله‌دی.
.jpg)
اونینگ تاکید قیلیشیچه، کیلسی هفته جریانیده بیر سوداگرلیک توارنینگ لاجورد یولی آرقه‌لی لاجورد گه اعضا بولگن مملکت‌لرگه یوباریلیشی ممکن.
ترانسپورت وزیرلیگی‌نی اورین باسری‌گه کوره، حاضرده 10 ترانسپورتی شرکت خلق‌ارا معیارلری بیلن ماس کیلیب و« تی آی آر» جوازی‌نی قولگه کیلتیرگن.
شونینگ‌دیک هرات حاکمی محمدآصف رحیمی‌نینگ اوشبو ییغینده ایتیشیچه، مذکور جاده فعال افغانستانی هرات آرقه‌لی منطقه مملکت‌لریگه وصل قیله‌دی.
عین‌حالده، هرات صنعت و سوداگرلیک اتاقی مسووللری‌نینگ ایتیشیچه، سوداگرلیک توارلرنی لاجورد یولی بیلن انتقال بیریشگه خصوصی سکتورلر بوتون‌لی صورتده، تیارگرلیک آلگن.
