بلخ ولایتی‌نینگ امنیتی مسووللری، فاریاب ولایتی‌نینگ قیصار تومنی سابق پولیس قومندانی نظام‌الدین قیصاری نینگ اوی قورشاوگه آلینگنی‌دن خبر بیرگنلر.
بلخ امنیتی مسووللری نینگ ایتیشیچه، 888- قطعه‌سی شامل نیچه امنیتی واحد جناب قیصارینی قولگه آلیش اوچون اونینگ اوینی قورشاوگه آلگن، بیراق اوشبو کوچلر جناب قیصاری نینگ قوروقچی‌لرینی مقاومتی بیلن روپه‌ره بولگن و حاضرگه‌قدر آتیشمه نتیجه‌سیده امنیتی کوچلردن بیرته‌سی یره‌لنگن.
بلخ پولیس قومندانلیگی سوزلاوچیسی عادل‌شاه عادل نینگ سلام‌وطندارگه ایتیشیچه، آتیشمه اوتگن کیچه ساعت 12 ده باشلنگن ایدی و حاضرگه‌قدر دوامی بار.
بلخ پولیس قومندانلیگی سوزلاوچیسی نینگ کوپه‌یتیریشیچه، بوندن آلدین جناب قیصاری نینگ زوروانلیک و باج آلیشیدن شکایت ایتیلگن ایدی.
جناب قیصاری حاضرگه‌قدر بوتوغریده فکر بیلدیرمه‌گن.
