فاریاب ولایتی نینگ قیصار تومنینی سابق خوفسیزلیک قومندانی نظامالدین قیصاری، جوزجان مرکزی شبرغان کیتگن.
افغانستان ملی اسلامی جنبش حزبی نینگ ییریک اعضالریدن بیری سیدنجیبالله هاشمی نینگ سلاموطندارگه ایتیشیچه، جناب قیصاری جمهور رئیس بیرینچی اورین باسری جنرال عبدالرشید دوستم دن یاردم سورهگنیدن سونگ، شبرغان گه انتقال بیریلگن.
جناب هاشمی گه کوره، نظامالدین قیصاری، جمهور رئیس بیرینچی اورین باسری جنرال عبدالرشید دوستم بیلن تلیفون علاقه قوریب و اوندن یاردم سورهگن و جنرال دوستم بیلن تلیفون علاقه قورگنده اوندن قیلگن خطالری توغریسیده عذر سورهب و حاضر اوز هم تباری و معنوی آتهسی دن یاردم طلب قیلگن.
جنبش حزبی نینگ اوشبو ییریک اعضاسی نی ایتیشیچه، قیصاری نینگ طلبی گه جنرال دوستم نینگ جوابی ایجابی بولگن.
خوفسیزلیک کوچلری، قیصاری نینگ بلخ ولایتیده توزوم بوزماققه عیبلب قولگه آلیش گه حرکت قیلگن. بلخ پولیسی نینگ ایتیشیچه، نظامالدین قیصاری نینگ قولگه آلیش حکمی عدلی و قضایی ادارهلری تامانیدن صادر ایتیلگن.
نظامالدین قیصاری، فاریاب ولایتی نینگ قیصار تومنی توپخانه قیشلاغی نینگ یشاوچیسی بولگن. او، بوندن آلدین فاریاب ولایتی بوییچه جمهور رئیس بیرینچی اورین باسری و افغانستان ملی اسلامی جنبش حزبی نینگ رهبری جنرال عبدالرشید دوستم نینگ صلاحیتلی خاص نمایندهسی و قیصار تومنی نینگ خوفسیزلیک قومندانی ایدی.