بوگون "چهارشنبه" هوا دغل‌لیگی‌گه توسیق بولیش کمیسیون اعضالری، کابلده بیر خبری ییغین آرقه‌لی، قیش موسومی‌ده هوا دغل‌لیگی‌نی کمه‌یتیریش اوچون عملیاتی لایحه‌لرینی اعلان قیلگن.
اوشبو کمیسیون، یشش محیط‌نی سقلش ملی اداره، کابل بلدیه‌سی، ایچکی ایشلر وزیرلیگی، برشنا شرکتی و باشقه مربوط بولگن اداره‌لردن تشکیل تاپگن.
ییش میحیط‌‌نی سقلش ملی اداره باشلیغی شاهزمان میوندی‌نینگ ایتیشیچه، مذکور کمیسیون قیش موسومی‌ده هوا دغل‌لیگی‌نی کمه‌یتیریش اوچون 11 فقره‌لیک بیر لایحه توزه‌تگن.
جناب میوندی‌گه کوره، اهالی معلوماتی‌نی یوقاری ایلتیش، هوا دغل‌لیگی‌نی کوپه‌یتیره‌دیگن یاقیلغی ماده‌لردن قوللنمه‌سی، یوک تاشووچی نقلیه واسطه‌لردن نظارت قیلیش، گاز بهاسی‌نی تنظیم و مدیریت قیلیش، دایمی برق‌نی تامین‌لش، اصناف‌دن نظارت قیلیش، ترافیکی گاوجوملیک‌نی تنظیم و مدیریت قیلیش، شهرنی تازه‌لش اوچون عملی حشر یولگه قویش و دولت ایشلاوچی‌لری‌نینگ ایش اوقاتی‌نی ایکی شیفت‌ده تنظیم قیلیش‌دن عبارت دیر.
