بوگون قیشلاقلرنی رواجلنتیریش وزیرلیگی و قیشلاقلرنی رواجلنتیریش کینگشی اورتهسیده 52 ترقیات لایحهگه قول قوییلدی.
مملکت قیشلاقلرنی رواجلنتیریش وزیری نصیراحمد درانی بوگون مذکور شرطنامهگه قول قویگن پیتده اوشبو ترقیات لایحهلرده چمهسی 198 میلیون افغانی صرفلنهدی دیگن. لایحه نینگ مالی خرجتی آسیا ترقیات بانکی همده قیشلاقلرنی رواجلنتیریش کینگشی آرقهلی تولهنیلهدی دیگن.
جناب درانی، مذکور پروژهلر کوپینچه سوو توغانلری، یوللر، کوپریک و کوپریکچهلر و استنادی دیوارلرنی قوریشدن عبارت دیدی. بو لایحهلر کابل، پکتیا، لغمان، لوگر، پروان، سمنگان، فاریاب، بغلان، غور، کاپیسا، ننگرهار و غزنی ولایتلریده عملگه آشیریلهدیگن
قیشلاقلرنی رواجلنتیریش وزیری جناب درانی. مذکور پروژهلر عملگه آشیریلیشی بیلن قیشلاق اهالیسیگه 139 مینگ ایش کونی یرهتیلهدی و 355مینگ قیشلاق خلقی توغری و نا توغری شکلده مذکور لایحهلردن فایدلنهدی دیگن او.
قیشلاق ترقیایت کینگشی نینگ اعضاسی مومن دلاور، بو لایحهلر عملگه تطبق بولیش بیلن یوقاریده ایسه تیلگن ولایتلر خلقی نینگ بیر قینچه قیین چیلیگی حل ایتیلهدی دیگن.
قیشلاقلرنی رواجلنتیریش وزیرلیگی نینگ مسووللری، مذکور وزیرلیک ایکّی ییلدن بیری 764 سوولنتیریش لایحه و 9اعشاریه 3 میلیار افغانی بهاسیده بولگن ترانسپورت شرطنامهلرنی قیشلاق ترقیات کینگشلری بیلن امضالهگن لیکلرینی ایتگنلر.