تینچلیک مصلحتی قورولتایده اشتراک قیلگن‌لردن بیرقطاری نینگ سلام‌وطندارگه ایتیشیچه، جمهور رئیس و تینچلیک مصلحتی قورولتایی باشلیغی‌نینگ صحبت‌لریگه اعتراض بیلدیرگن ایکی کیشی امنیتی کوچلر تامانیدن کلتک‌لنیب و تالاردن چیقاریلگن.
شاهدلرنینگ کوپه‌یتیریشیچه، بیر کیشی جمهور رئیس‌نی «تینچلیک‌که توسیق خطاب» قیلگنی‌دن سونگ، امنیتی کوچلر تامانیدن کلتک‌لنیب، تالاردن چیقاریلگن و بیر عیال قورولتایی باشلیغی عبدالرب الرسول سیاف نینگ صحبت‌لریگه اعتراض بیلدیرگنی‌دن سونگ، امنیتی کوچلر تامانیدن ییغیندن چیقاریلگن.
قورولتایده اشتراک قیلگن‌لرنینگ ایتیشیچه، تالار ایچیده قورقینچ فضا حاکم دیر و امنیتی کوچلرنینگ حضوری کوپ دیر.
بوتوغریده قورولتایی مسووللری نینگ فکری‌نی آلیش اوچون سعی و حرکت قیلدیک، بیراق موفق بولمه‌دیک.
حاضرگه‌قدر تینچلیک مصلحتی قورولتایی‌دن چیقاریلگن ایکی اعتراضچی‌نینگ سرنوشتی بیللی ایمس.
عین‌حالده، "نی" ادارهسی باشلیغی نوید محمدی نینگ سلام‌وطندارگه ایتیشیچه، اعتراضچی‌لر بیلن یمان یول باریش و اولر اعتراضی‌گه توسیق بولیش ایرکینسوز و مملکت اساسی قانونی‌گه قرشی دیر.
جناب محمدی گه کوره، افغانستان اساسی قانونی ایرکین سوزنی ضمانت قیلگن و هر کیم نینگ ایرکین‌لیگی موجود دیر.
اونینگ کوپه‌یتیریشیچه، اعتراضچی‌لرنی سرکوب قیلیش و اولرگه قرشی یمان یول باریش افغانستان اساسی قانونی‌نینگ 34- ماده‌سینی نقض قیله‌دی.
تینچلیک مصلحتی قورولتایی‌نی 3200 اعضاسی بار و اشتراک قیلگن‌لرنینگ فکرلری کمیته‌لرگه تیکشیریله‌دی. تینچلیک مصلحتی قورولتایی‌نی یولگه قویه‌دیگن کمیسیون باشلیغی محمدعمر داوودزی نینگ ایتیشیچه، قورلتایی‌ده اشتراک قیلگن‌لرنینگ حقوقی لحاظ دن مدیریت قیلیش اوچون هر کمیته‌گه ایکی دولت ماموری وظیفه لنتیریلگن.
