بو ییل قیش‌ده مملکت‌نینگ کوپینچه منطقه‌لرینی هواسی ساووق و قوروق ایدی و سونگی کونلرگچه بولوت و یامغیردن هیچ بیر خبر یوق ایدی. فاریاب ولایتیده طبیعت قهره‌تانلیگی حاضرگه‌قدر اوز جاییده قالگن. قوروقچیلیک ییر آستیده‌گی سوولرنی جوده قویی توشیرگن و فاریاب ایکینچی‌لریدن کوپینچه‌سی‌نینگ یوره‌گی ایش و ایکینچیلیک‌دن ساووگن. اوشبو ایکینچی‌لر، قیش موسومی‌ده یامغیر میزانی کمه‌یگنینی کیله‌جک ییل‌ده قوروقچیلیک نشانه‌سی دیب بیله‌دی.
جویبارلرده سوو یوقلیگی‌گه اشاره قیلگن فاریاب ولایتی‌نینگ کاریز قلعه ایکینچی‌لریدن بیری خیرمحمدنینگ ایتیشیچه، یامغیر یاغمه‌گنی باعث، ییر قورییب و کوپینچه قیین‌چیلیک یوز بیریشی ممکن. اونینگ ایتیشیچه، حاضر بیزلرنینگ چاوروالریمیز اویده قالگن و بیر بوجی سامان‌نینگ قیمتی 1200 افغانی بولگن.
ینگی‌لیک‌ده چارواچیلیک سودا و ساتیغی‌دن قول تارتگن عزیزالله‌نینگ ایتیشیچه، قاچاق آرقه‌لی ایران کیتیش‌گه قرار قیلگن؛ چونکه دشت‌لر و سبزوات‌لر یشیل بولیشی‌گه هیچ امید قالمه‌گن. اونگه کوره، بو ییل هیچ یامغیر یاغمه‌گن و قوروقچیلیک اهالی‌نی جدی خواطرگه سالگن. ایکینچی‌لر حاضرگچه هیچ نرسه سیپمه‌گن. اونینگ کوپه‌یتیریشیچه، قوروقچیلیک باعث، قوی و ایچکی قیمتی 5 مینگ افغانی‌دن 3 مینگ افغانی‌گه کمه‌یگن.
فاریاب ولایتی‌نینگ ایکینچیلیک و چارواچیلیک ریاستی باشلیغی محمد سلیم رنجبرنینگ ایتیشیچه، قوروقچیلیک کینگه‌یگنی باعث، اوشبو ریاست یاردم بیرووچی اداره‌لردن بوغدای طلب قیلگن. اونینگ کوپه‌یتیریشیچه، قوروقچیلیک و اونی پیام‌لریگه قرشی کوره‌ش اوچون، ایکینچیلیک و چارواچیلیک وزیرلیگی‌دن 1500 تُن بوغدای ایسته‌گن.
بیراق، فاریاب ولایتیده طبیعی حادثه‌لرگه قرشی کوره‌ش ریاست باشلیغی عبدالوهاب اکبری‌نینگ ایتیشیچه، اوشبو ولایت قوروقچیلیگی حاضرگچه احتمالی دیر و قوروقچیلیک بولگن صورتده، بو ریاست ایکینچی‌لرگه یاردم بیره‌دی. اونینگ کوپه‌یتیریشیچه، مذکور ولایت شاشیلینچ کمیته‌سی تامانیدن یولگه قوییلگن ییغینده، اشتراکچی‌لر نیازمند و زیان کورگن‌لرگه یاردم بیریش اوچون تیارگرلیک کورستگن‌لر.
فاریاب ولایتی سوو کَم‌لیگی و کیین‌مه کیین قوروقچیلیک باعث، جدی شکلده سووگه محتاج بولیب قالگن؛ بیراق کورینیشیچه، دولت بو نیازلرنی رفع ایتیش خصوصیده، اونچه‌لیک ایش قیلمه‌گن.
