قندوز ولایتی‌نینگ امام‌صاحب تومنیده حربی کوچلرنینگ پوسته‌لری اوستیگه طالب‌لر تامانیدن اویوشتیریلگن هجوم‌ده حربی کوچلردن 13 ته‌سی هلاک و باشقه 17 ته‌سی یره‌لنگن.
آتی فاش ایتیلیشی‌نی ایستمه‌گن امنیتی بیر منبع‌نینگ سلام‌وطندارگه ایتیشیچه، شونینگدیک اوشبو هجوم نتیجه‌سیده جوی‌بیگم قیشلاغی‌ده 3 پوسته طالب‌لرنینگ نظارتی گه اوتگن.
قندوز پولیس قومندانلیگی‌نینگ خوفسیزلیک آمری صفی‌الله محزون، حربی کوچلر هلاک ایتیلیب و یره‌لنگنی و شونینگدیک، پوسته‌لر سقوط قیلگنینی تصدیق‌لیدی. اونگه کوره، بو هجوم‌دن دقیق معلومات حاضرگچه قولگه کیریتیلمه‌گن.
جناب محزون گه کوره، اوشبو آتیشمه‌ده طالب‌لر هم آغیر قربانلیک بیرگن، بیراق طالبان گروهی سوزلاوچیسی ذبیح‌الله مجاهد بیر خبرنامه ترقه‌تیب ایتیشیچه، اوتگن کیچه مذکور گروه‌نینگ هجومی نتیجه‌سیده بیر قرارگاه و 7 پوسته‌نی نظارت گه آلگن، امنیتی کوچلردن 19 ته‌سی هلاک و 13 ته‌سی یره‌لنگن.
طالبان گروهی‌نینگ سوزلاوچیسی گه کوره، بو هجوم‌ده طالب‌لردن 3 ته‌سی یره‌لنگن.
