قندوز ولایتی‌نینگ 10 کیلومترلیگی‌ده جایلشگن دشت‌آلچین منطقه‌سیده بوندن ایکی ییل آلدین بیرمیلیون تورت یوزمینگ اقش دالر صرفله‌نیشی بیلن قندوز بیلیم یورتی‌نینگ بیش فاکولته‌سی بناسی قوریلگن، لیکن بو بنالر هنوزگچه فایده له‌نیش‌گه تاپشیریلمه‌گن.
مذکور فاکولته‌لرنینگ مالی خرجتی مخدر ماده‌لرگه قرشی کوره‌ش همده بیلیم یورت ترقیات بودجه‌سیدن توله نیلگن لیگی ایتیله‌دی.
قندوز بیلیم یورتی‌نینگ بعضی بیر فاکولته‌لری مذکور بناگه کوچیریب باریلیشی کوتیلردی. ولایت مخدر ماده‌لرگه قرشی کوره‌ش اداره‌سی‌نینگ مسووللری، مذکور بنا لرنینگ قوریلیش ایشی بوندن ایکی ییل آلدین اوز پایانی‌گه ییتیب فایده له‌نیش اوچون ولایت بیلیم یورتیگه تاپشیریلگن دیدی.
ولایت مخدرماده‌لرگه قرشی کوره‌ش ادارسی نینگ باشلیغی عبدالبصیر مرشدنینگ سوزلریگه کوره، قندوز بیلیم یورتی مذکور فاکولته‌لر اوزاق ده جایلشن لیگی اوچون فایده لنمیدی. شونینگ دیک بیلیم یورت مسوللری‌نینگ اعتبار قره‌تمه‌گن لیگی سبب بو فاکولته‌لرنینگ بعضی نرسه‌لری اوغیرله‌نیب کیتیلگن.
لیکن، بیلیم یورت‌نینگ مسووللری، اوشبو بنالردن فایده‌لنمس‌لیک‌نینگ بیرینچی دلیلی، سوو و برق یوق لیگی همده خوفسیزلیک بولمه لیگینی سبب قیلیب کورستگن‌لر.
قندوز بیلیم یورتی‌نینگ باشلیغی عبدالقدوس ظریفی احتیاج اساسیده بو بنالرنی قوردیرگن‌لر، امنیت تامین بولگن حالده، بی ملال ایش آلیش‌لری ممکن لیگینی تیلگه آلگن. اونگه کوره، کیلگوسی ییلده بیلیم یورت نینگ بعضی بیر فاکولته‌لری مذکور بناگه آلیب باریل دی.
قندوز بیلیم یورتی‌ده حاضرگی کونده 7 مینگ محصلل درس اوقیب کیلماقده اولرنینگ 2 مینگی کیچکی بولیم‌ده تنظیم ایتیلگن‌لر.
