قندوز ولایتیده 5 ییل آلدین 241 سولر برق کوچی بیلن تأمینلنه دیگن اوچ یریم میلیون افغانی خرجت کوتارگن مذکور ولایت نینگ یول‌لری چیکه‌سیده قوندیریلگن ایدی.
بیراق قندوز یشاوچیلریدن بیر قطاری‌نینگ ایتیشیچه، بو چراغ‌لر شهردارنینگ توجه سیزلیگی باعث یخشی شکلده سقلنمه‌گنی سبب ایشدن قالگن و کیچه تامانیدن یوللر قارانغولیککه قالگن.
قندوز یشاوچیلریدن بصیرنینگ سلام‌وطندارگه ایتیشیچه، اوشبو چراغ‌لر فعال بولیشی دن بیر آی هم ایش بیرمه‌گن و 5 ییلدن بیری ایشدن قالگن، هیچ کیم بوتوغریده توجه قره‌تمه‌گن.
قندوز شهری‌نینگ یشاوچیلریدن باشقه بیری امین‌الله قاضی‌زاده، بو چراغ‌لر ملت‌نینگ سرمایه‌سی و اونگه توجه قره‌تیش کیره‌ک دیگن.
قندوز ولایتی‌نینگ بلدیه رسمیلری، بو توغریده مخصوص ایشچیلر بولمه‌گنی و قندوزنینگ طالبلر قولیگه سقوط قیلیشی باعث مذکور چراغ‌لر 95 فایزی ایشدن قالگنینی تصدیقله‌گن.
قندوز ولایتی‌نینگ شهرداری نجیب‌الله عمرخیل‌نینگ سلام‌وطندارگه بیلدیریشیچه، اوشبو شهردار یو.اِن هبیتات دفتری بیلن بیتیم‌گه قول قویشی اساسیده، بو چراغ‌لرنی توزه‌تیش ایشی کیلگوسی ایکی هفته گه قدر باشلنیب و قیته‌دن قندوز شهری ینه یاروتیله‌دی. «فقط پایه‌لرگه بطری قیینچی‌لیگی بار، اولرنی توزه‌تیش ایشی تیزلیکده باشلنه‌دی.»
قندوز بلدیه ریاستی‌نینگ باشلیغی، سولر لردن سقله‌نیش خصوصیده بیر قطار کیشی‌لرگه، بوندن کیین شهر چراغ‌لریدن یخشیله‌نیب سقله‌نیشینی بیلدیرگن.
