قندوز ولایتی قلعه‌زال تومنی‌نینگ یشاووچی‌لری، مرکزی حکومت‌نی بو ولسواللیک‌که اعتبار قره‌تمه‌گن‌لیکده عیب‌له گن‌لر. اهالی، حکومت قندوزنینگ قعله‌زال تومنی‌دن باشقه بوتون ولسوال‌لیکلر یولی‌نی اسفالت قیلگن دیگن‌لر. تومن یولی‌نینگ بوزیق لیگی باعث اهالی چول یولی بیلن قندوز شهریدن باریب کیله دیلر دیدی اهالی.
قلعه‌زال تومنی‌نینگ یشاووچی‌لری، عمومی یول‌نینگ بوزیق‌لیگی قیشلاق خلقی اوز کسل‌لرینی شفاخانه‌گه ییتکزیش اوچون جدی قیینچلیک‌لر بیلن روپه ره بولیش‌لرینی حکایه قیلگن‌لر.
بو تومن‌نینگ اصلی یولی‌ده بوندن 8 آی آلدین خصوصی قوریلیش بیر شرکت تامانیدن تاش توکیلگن؛ اما، تومن حاکمی محبوب‌الله سعیدی، شرکت‌نینگ قیلگن ایشی‌دن ناراضیلیک بیلدیریب، یول صفت‌سیز قوریلگنی باعث اهالی ایش آلمس‌دن آلدین بوتونلی بوزیلیب کیتگن لیگی ایتگن.
قندوز ولایت کینگشی‌نینگ اعضالری قلعه‌زال‌دن ولایت مرکزیگچه بولگن یول‌ده تاش توکیش لایح‌سیده فساد موجودلیگی‌نی بو یول تیزلیک‌ده بوزیلیب کیشی‌گه سبب بولگن دیگن‌لر.
قندوز ولایت کینگشی‌نینگ اعضاسی اسدالله سادات، قلعه‌زال عمومی یولی‌ده تاش توکیش لایحه‌سی صفت‌سیز بولگنی باعث ایش کینگش تامانیدن توخته‌تیلگن ایدی دیدی. بیراق، کینگش اعضالری جریانگه قوییلمس‌دن توریب ینه بو یول‌نینگ ایشی باشلگن دیگن جناب سادات.
قندوز فواید عامه ریاستی‌نینگ باشلیغی برهان‌الدین شینواری، بو یول‌ده تاش توکیش پروژه‌سیده‌گی موجود قیینچلیکلرنی تصدیقلب، قلعه‌زال تومن‌نینگ عمومی یولی اسفالت ایتیلیشی فواید عامه وزیرلیگی و دنیا بانکی‌نینگ رویخطی‌ده ایکن لیگینی ایتگن. اما، خوفسیزلیک‌لر هم بو لایحه عمل‌گه آشیریلشی اوچون معیین توسیق بولیب کیلگن‌لیگی‌نی تیل‌گه آلگن جناب شینواری.
ولایت فواید عامه ریاستی‌نینگ باشلیغی، قلعه‌زال تومنی بوندن آلدین هیچ بیر یول‌گه صاحب بولمه‌گن؛ لیکن، حاضرگونی‌ده دستلبکه شکل‌ده یول، کوپریک و کوپریکچه‌لر قوریلگن دیگن.
عین‌حالده، او قلعه‌زال تومنیده 44 کیلومتر اوزونلیگی بولگن یول قوریلیشی‌دن خبر بیرگن. مذکور یولنی قوریش ایشی دنیا بانکی تامانیدن قولگه آلینگن لیگینی ایتیب؛ اما، نابرقرالیک‌لر لایحه اوچون اساسی معما سنه‌له‌دی دیگن.
قلعه‌زال قندوز ولایتی‌نینگ شمال شرق حدودیده جایلشگن. بو تومن‌نینگ بیش یوز مینگ جمعیتی بارلیگی تخمین ایتله‌دی. بو تومن خلقی کوپراق ایکینچیلیک، قول صنعتی ایش‌لب چیقاریش جمله‌دن قالین توقیش بیلن شغللنه‌دیلر.
