قندوز ولایتی کینگشی اورین باسری، کیم‌آچتی سوداسی خصوصیده یولگه قوییلگن ییغین‌گه نفرلری بیلن کیریب ییغین‌نی برهم اوره‌دی و شونینگ‌دیک، کونگیللی‌لردن ایکی مینگ دالر ایسته‌گن.
قندوز عامه ساغلیک باشلیغی عبدالمتین عاطفی‌نینگ ایتیشیچه، بو واقعه ولایتی کینگش اورین باسری اَبه‌سی‌نینگ اوغلی‌نی ناقانونی شکلده کیم‌آچتی سوداسی‌گه شامل قیلیب و اوشبو ولایت‌ده بنگی‌لرنی داروله‌یدیگن 50 بسترلیک کسلخانه‌نینگ ییگولیک و آذیق اوقت شرطنامه‌سینی قولگه آلیشینی ایسته‌گن بیرچاغده یوز بیرگن. بیراق بو ایستک‌که رد جواب بیریلگنی‌دن کیین، او لفظی مشاجره قوشیمچه ایکی مینگ دالر هم ایسته‌یدی.
اوشبو ییغینده ولایت، مستوفیت، فسادگه قرشی کوره‌ش اداره و ولایتی کینگش نماینده‌لری اشتراک ایتگن.
بیراق، قندوز ولایتی کینگشی اورین باسری توریال کاکر، عامه ساغلیک ریاستی وقتینچه‌لیک باشلیغی‌نینگ ادعالرینی رد قیلیب ایتیشیچه، او ساعت 4 دن کیین، کیم آچتی سوداسینی باشله‌گن و بو قانونگه قرشی دیر.
قندوز ولایتی کینگشی اورین باسری‌نینگ ایتیشیچه، جناب عاطفی باشلیغ ایمس، بلکیم عامه ساغلیک ریاستی ایشلرینی مسؤولی بولگن. شو یوز دن کیم‌آچتی سوداسینی یولگه قوییش‌ده حقوقی مسؤولیتی یوق دیر.
مملکت شمال‌شرقی‌ده اداری فسادگه قرشی کوره‌ش اداره مسؤوللریدن بیری ایمل رهیق، کیم‌آچتی سوداسی توغریسیده‌گی ییغینده عامه ساغلیک وقتینچه‌لیک باشلیغی و ولایتی کینگش اورین باسری‌نینگ آره‌سیده لفظی مشاجره یوز بیرگنینی تصدیق‌لب و فزیکی توقنه‌شوونی رد قیله‌دی.
شونینگ‌دیک، قندوز حاکمی‌نینگ سوزلاوچیسی سیدمحمود دانش، عامه ساغلیک ریاستی‌نینگ کیم‌آچتی سوداسی‌گه ولایتی کینگش اره‌لشگنینی تَن آلیب ایتیشیچه، مذکور ایکی کیشی‌نینگ آره‌سیده یوز بیرگن قره‌مه قرشی‌لیک نی حل ایتیش اوچون ولایت اورین باسری حشمت‌الله عرض‌بیگی اره‌لشگن و بو اره‌لشوو نتیجه بیرمه‌گن صورتده، قضیه رسمی شکلده قاره‌لاوچیلیک‌که یوباریله‌دی.
بیراق سوراق توغیله‌دی کیم، کیم آچتی سوداسی قانونگه قرشی یولگه قوییلگن بولسه، ولایتی کینگش باشلیغی، ولایت، مستوفیت و باشقه بولیم‌لرنینگ نماینده‌لری، نیمه اوچون بو ییغین‌گه اشتراک ایتگن‌لر؟ بو سوراق توغریسیده کیین مه کیین قونغیراقلر بیلن ولایت مقامی، ولایتی کینگش باشلیغی و باشقه اداره‌لرنینگ نماینده‌لریدن جواب آله آلمه‌دیک.
