.JPG)
قندوز ولایتی‌نینگ دولتی و نادولتی لایحه‌لریدن ۹۰ فایزی تیندیرمسدن اعلام قیلینیب، انیق بیر نیچه شرکت‌گه بیره‌دیلر.
ساختمانی شرکتلر اتحادیه‌سی اورین باسری عبدالغفور هوتک خبری انجمن آلیب، اداره‌لرده مافیا سیستمه‌سی حاکم بولگنی سبب اعتبارلی شرکتلرنی هم رکودگه روپه‌ره بولیشی ممکن دیدی.
ساختمانی شرکتلر اورین باسری هجت‌لر ارایه قیلیشی بیلن شو سونگی کونلرده معارف ریاستی مکتبلر قیته قوریش لایحه‌سینی باشله ماقچی ایدی، بیراق مذکور قیته قوریش لایحه‌سی الده‌شلر بیلن بیر شرکت‌گه تاپشیریلگن.
هجت‌لرگه کوره، «شمال کوهسار» شرکتی و «قندوز-کرستال» شرکتی هم ولایتی کینگش‌ده پیشنهاد قیلگن ایدی، ایتیشیچه، ولایتی کینگش معارف ریاستی‌گه باسیم کیلتیریشی بیلن ینه هم مذکور شرکتلرگه پیشنهاد بیریشینی قانونی وقتیده بیریشگه حاضر بولمه‌گن.
.JPG)
قندوز والیسی اسدالله عمرخیل‌نینگ ایتیشیچه، حاضرگه قدر بو عنوانده بیرنرسه ایشیتمه‌گن و قیینچی‌لیک بیلن روپه‌ره بولگن شرکتلر تدارکاتی کمیته‌سیگه مراجعه قیلیشلری ممکن.
معارف ریاستی‌نینگ بوباره‌ده نظرینی آلماقچی بولیب تشلاش قیلدیک اما نتیجه بیرمه‌دی.
قندوز ساختمانی شرکتلر اتحادیه‌سی نینگ ایتیشیچه، ولایت بویلب ۵۲ ریاست‌دن فقط حج و اوقاف و ایکینچی‌لیک ریاست‌لری اوز ساختمانی لایحه‌لرینی اعلام قیله‌دی و خلاص. بو اتحادیه قانونی ایستکلریگه توجه قیلینمسه باشقه هجتلرنی هم فاش ایتیش باره‌سیده آگاهلنتیره‌دی.
