قندوزولایتی امنیه قوماندان‌لیگی نینگ مسووللری، اخیرگی وقت‌لرده داعش گروهی ولایت‌نینگ چهار دره و تخارنینگ ایسه اشکمش تومن‌لریده فعالیت‌گه باشله‌گینی بیلدیرگن‌لر.
قندوز امنیه قوماندانی جنرال محمد قسیم جنگل باغ، کشفی معلومات لرگه کوره، داعش نینگ 120 اعضاسی سونگی کونلرده چهار دره تومنی ده قوراللی طالب‌لر بیلن توقنشگن.
قندوز امنیه قوماندان، ولایت‌ده‌گی داعش‌نینگ کوپینچه اعضالری چیت ایللیک‌لر بولگن لیگی‌نی بیلدیرگن.
اما، امنیتی کوچلر داعش و طالب‌لرنی نابود قیلیش اوچون لازم درجه‌ده تیارگرلیک کورگنلر دیدی جناب جنگل باغ.
عین حالده، خبرنی تصدیق له‌گن قندوز ولایت کینگشی نینگ باشلیغی امرالدین ولی گه کوره، ولایت‌ده قورالی طالب‌لر و داعش‌گه ضد عملیات اوتکزیمله‌گن حالده، شمال برقرارلیگی اینیقسه شمال شرق وضیعتی جدی شکل‌ده بوزیلیشی احتمال دن ییراق ایمس.
افغانستان شمال شرقیده جایلشگن قندوز ولایتی‌نینگ سابق والی‌سی ولایت‌ده داعش‌نینگ فعالتی کوزه‌تیلگن لیگی باره‌سیده خبر بیرگن ایدی.
بیراق، بو موضوع حربی رسمیلر تامانیدن رد ایتیلدی. افغانستان شمال شرقیده جایلشگن قندوز ولایتی جاری ییل میزان آییده اوچ کون قوراللی طالب‌لر اشغالیگه اوتگن ایدی.
