مدافعه وزیرلیگی نینگ ایتیشیچه، قندهار و زابل ولایتیده طالبان آرقه‌لی جایلشتریلگن ۷۰ حلقه ماین پارتله‌شی نی آلدی آلینگن.
مذکور وزیرلیک بوگون (پنج‌شنبه ۱۳- سنبله) بیر خبرنامه ترقه‌تیب یازیشیچه، طالبان حربیلر و تینچ‌اهالی نینگ موترلری نی نشان گه آلیش اوچون ۳۵ ماین نی قندهار ولایتی نینگ شاه‌ولیکوت تومنیده و شونینگدیک ۲۵ میان نینگ میوند تومنیده ییرلشتیرگن ایکن.
بو خبرنامه اساسیده، شونینگدیک طالبان حربیلر و تینچ‌اهالی نی هدف آستیده آلیش اوچون زابل ولایتی نینگ شاه‌جوی تومنیده ۱۰ ماین ییرلشتیرگن ایکن.
خبرنامه نینگ کوپه‌یتیریشیچه، اوشبو ماین‌لرنینگ برچه‌سی پارتله‌مسدن آلدین ۲۰۵ اتل قول اردو انجینرلری آرقه‌لی کشف و خنثا قیلینگن.
مدافعه وزیرلیگی جنوبی ولایت‌لرده اونلرچه ماین خنثی ایتیلگنیدن خبر بیرگن بیر حالده، سونگی کونلرده کندهار، غزنی، هلمند، هرات، نیمروز، بدخشان، سرپل و باشقه قطار ولایت‌لرده یول چیککه‌سیده جایلشتیریلگن ماین پارتله‌شی هر کون حربیلر و تینچ‌اهالیدن قربانی آله‌دی.
