قندهارنینگ میرویس میدان منطقه‌سیده‌گی دکاندارلر پولیس‌نینگ باج آلیشیدن خواطربیلدیریب ایتیشلریچه، امنیتی کوچلر اولردن کونده 20 افغانی باج آله‌دی.
پولیس‌نینگ باج آلیشی مذکور دکاندارلرنی قینچیلیک‌لرگه قویگن، بیراق اولر خوفسیزلیک کوچلردن قورقیب شکایت قیلمه‌یدیلر.
اوشبو دکاندارلردن فضل‌باری و محمد قسیم‌نینگ ایتیشچه، امنیتی کوچلرنی ایستک‌لریگه ایجابی جواب بیرمه‌گن صورت‌گه حقارت بولیب کلتکلنه‌دیلر.
بیراق قندهار پولیس قومندانی ضیا‌درانی بو موضوع‌دن خبرسیزلیگی‌نی بیلدیریب ایتیشیچه، حاضرگچه بو توغریده هیچ قندی شکایت اولرگه بارمه‌گن. درانی جنابلری‌گه کوره، بو حقده اولرگه شکایت کیلگن صورت‌ده، شکایت‌لرینی حل ایتیشیمیز ممکن.
بیرنیچه پیت آلدین اونلرچه کیشی امنیتی کوچلرنینگ باج آلیشی و ناتینچلیک‌لرنی کوپه‌یگنی باعث قندز-ارزگان قتناو یولی‌نی 4 کون باغله‌گن ایدیلر و امنیتی رسمی‌لر اوشبو قینچیلیک‌لرنی حل ایتیشی توغریسیده وعده بیرگن ایدی، بیراق بو قینچیلیکلر حاضرگه قدر حل بولمه‌گن.
