قندهار معارف ریاستی مسؤوللری‌نینگ ایتیشیچه، مذکور ولایتده جاری تعلیمی ییل‌ده نیچه مکتب ینگی و باشقه 100 دن آرتیق مکتب قیته قوریله‌دی.
مسؤوللرگه کوره، اوشبو مکتب‌لرنی ینگی و قیته قوریلیشی کمیده 200 میلیون افغانی خرجت کوتره‌دی و بو مبلغ دن بیر بولیمی معارف وزیرلیگی‌نینگ رواجلنتیریش بودجه‌سیدن و باشقه بولیمی شهر قوریش وزیرلیگی، دنیا بانکی و بیرلشگن ملت‌لر تشکیلاتی‌نینگ باله‌لر بولیمی صندوقی یا-ده یونیسف اداره‌سی تامانیدن توللنه‌دی.
قندهار معارف ریاستی سوزلاوچیسی نظرمحمد صمیمی‌نینگ ایتیشیچه، ینگی بِنالر قندهار شهری قوشیمچه، میوند، دند، ارغنداب و دامان تومنلریده قوریله‌دی. اونگه کوره، 2 باب دینی مدرسه، 1 باب علمی مرکز، نیچه باب خاص مکتب و 5 باب عادی مکتب ینگی قوریله‌دی.
عین حالده، قندهار ایش بیلرمانلریدن بیرقطاری، عمل‌گه آشیریلگن ایشلر برابریده بو مبلغ‌نی اعتبارسیز دیب ایتیشیچه، بونچه کته مبلغ خرچ ایتیلگنی‌گه قره‌مه‌ی، حاضرگچه قندهار مرکزی و تومنلریده اوقووچیلردن کوپینچه‌سی خیمه‌نی آستیده درس اوقیدیلر.
قندهار معارف ریاستی مسؤوللری بو ادعانی رد قیلیب ایتیشیچه، یالغیز شوراوک، غورک و معروف تومنلریده ناتینچلیک قیین‌چیلیک‌لری باعث، هیچ بیر مکتب ینگی یا-ده قیته قوریلمه‌گن؛ بیراق باشقه تومن‌لرده ایشلر یخشی صورتده عمل‌گه آشیریلگن.
