اون ییل آلدین قندهار ولایتیده 300دن آرتیق تورلی محصولات ایشلب چیقاروچی فابریکه فعالیت قیلردی. زمان اوتیشی بیلن بو فابریکه‌لر 125گه کمیگن. اما، سونگی وقتلرده بو رقم دن ینه 105 فابریکه ایشدن قالگنی ایتیله‌دی.
قندهار صنعتچیلر اویوشمه‌سی نینگ نماینده‌سی حاجی باریداد صادق، دایمی برق بولمه‌گنی سونگی کونلرده ولایتده ینه 105 فابریکه فعالیتدن قالگن لیگینی سلام‌وطندارگه ایتگن. ییگولیک آذیق آوقت و قوریلیش ماده ایشلب چیقاروچی بو فابریکه‌لرده 2000مینگدن کوپراق کیشی ایش بیلن شغلله‌نیب کیلگن.
کونده‌لیک برق نینگ کیلیب – کیتیشی شونده‌ی دوام ایتگن حالده، باشقه 20 فابریکه هم ایشدن قالیش احتمالی کته دیدی اویوشمه باشلیغی.
افغانستان‌نی برق قوتی بیلن تامین لاووچی شرکت (برشنا)نینگ قندهار ولایتیده‌گی مسووللری، برق تنقیسلیگی سبب فابریکه‌لر فعالیتی توخته‌تیلیشی اوچون سیره هم رخصت بیرمس لیکلرینی تیلگه آلگنلر.
سلام‌طوندارگه صحبت بیرگن برشنا شرکتی نینگ اورین باسری امان الله ایوبی، احمدشاهی خیابانلریده برق پایه‌لر یولی اوزگرتیلیشی و جنراتورلرده ایشله‌تیله دیگن یاقیلیغی ماده کملیگی اوشبو فابریکه‌لر فعالیتی‌گه خَلل بیرگنینی تصدیق ایتگن. موجود قیین‌چیلیک تیز آره ده حل ایتیله‌دی دیگن او.
بو قبیل قیین‌چیلیکلر دوام ایتگن حالده، فابریکه‌لر فعالیتی‌نی توخته‌تیب سرمایه‌لرینی قوشنی ولایتلر حتی چیت ایلگه آلیب چیقیش‌گه مجبور بولیشلری حقیده آگاهلنتیرگن مذکور فابریکه‌لرنینگ ایگه‌لری.
