قندهار بشرحقلری ساحه‌یی مسؤوللری یاش قیزگینه‌لر اویله‌نیشگه چیقاریلیشی کوپه‌یگن‌لیگی‌دن خبر بیره‌دی. اوشبو ولایت ساحه‌یی دفتر باشلیغی شمس‌الدین تنویرنینگ سلام‌وطندارگه ایتشیچه، اوتگن آلتی آیده یاش قیزه لاغلر اویله‌نتیریش 12 قضیه‌سی بولر دفتریگه ثبت ایتیلگن.
جناب تنویرنینگ ایتیشیچه، بوسان یوقاری کیتیش امکانی بار، نیگه کی اوزاغ توشگن منطقه‌لرده کوپینچه قیزلر قان بهاسیگه بیریله‌دی و مدنیت گه قرشی بولگن‌لیگی اوچون کوپلب عایله‌لر اوشبو قضیه‌لرنی یاشیره‌دیلر.
اونینگ ایتیشیچه، کوپلب عایله‌لر بوباره‌ده صحبت اوتکزگنلرو اولرنینگ ایتیشلریچه، بونقه اویله‌نتیریشلر کوپلب عایله‌وی قیین‌چیلیکلرنی توغدیره‌دی و یاش قیزه لاغلردن کوپیسی نینگ حیاتینی اویله‌نگندن کیین خطر بیلن روپه‌ره قیله‌دی.
جناب شمس بونقه اویله‌نیشلر اصلی عامللریدن بولگن قشاق‌لیک، سواد سیزلیک، عایله‌وی خشونتلر، اولکه ناتینچ‌لیکلری و اهالی نینگ اویله‌نیش قانونیدن آگاه‌سیزلیکلری دیب بیله‌دی.
قندهار عیاللر باشلیغی رقیه اچکزی هم سلام‌وطندارگه ایتیشیچه، اهالی گه «ییتیشمه‌گن یاش قیزلرنی» اویله‌نیشگه چیقاریش باره‌سیده کوپراق بیلدیریش اوچون قیسقه مدت‌لیک اورگه‌توو مرکزلری آچگنلر و بوباره‌ده عیاللرنی آگاه‌لنتیریش بیرینچی ایشلریدن بولگن‌لیگی‌نی بیلدیردی.
ولایت دین عالم‌لریدن بیری مولوی خدای‌دادنینگ ایتیشیچه، خداوند ییریک نعمت‌لریدن بیری منه شو باله گینه‌لردیر و اولرنینگ حقوقینی عایله‌لر تامانیدن سلب ایتیش اجازه‌سی بیریلمه‌سین. اونگه کوره، اسلام هیچ کیم‌گه باله‌نینگ حقی و یا اونی یاشی تقاضا قیلمه گونگه قدر اویله‌نتیریشگه مجبور قیلیش اجازه‌سینی بیرمیدی.
اوتمیش بیردهه ده بشر حقوقی بوییچه فعالیت قیلیب کیله‌دیگن نهادلر، عالم‌لر و باشقه نهادلر یاشی کیچیک قیز باله‌لر اویله‌نیش آلدینی آلیش اوچون اورگه‌تیش مرکزلر آچیب حرکت قیلگنلر، اما اوشنده‌ی بولسه هم ایریم منطقه‌لرده حاضرهم شونقه قضیه‌لر کورینه‌دی.
