قندهار ولایتیده کتاب ساتووچیلر و یازووچیلردن بیرقطارینینگ ایتیشیچه، مملکتده انترنت فعالیتی کینگهیگنی و زمانهوی اسکونهلر کوپهییشی کتاب اوقیش مدنیتی و ناشرلرنینگ فعالیتی اوستیگه سلبی تأثیر تشلهگن. اولر، مسؤوللردن کتاب اوقیش اهمیتی توغریسیده ایریم برنامهلر یولگه قوییشینی سورهیدی.
قندهار شهریده 100 دن آرتیق کتاب ساتووچی موجود؛ بیراق بو ولایتده کتاب اوقیش مدنیتی کمهیگن و اساسی دلیلی ناشرلر و یازووچیلردن دولت حمایه قیلمهگنی دییلهدی.
کتاب ساتووچیلردن بیری فضل احمدنینگ ایتیشیچه، اوتمیشلرگه نسبتَن شو کونلر قندهارده اونچهلیک کتاب ساتیلمهیدی و بو آره ده یالغیز طلبهلر و اوقووچیلر درس کتابلرینی ساتیب آلهدیلر، باشقهلر ایسه انترنتی کتابلردن فایدهلنهدی. اونگه کوره، اوتمیشلرده اولر بیر هفته جریانیده 200 جلد کلید گزیتهسی ساتر ایکن؛ بیراق حاضر 5 جلد هم ساته آلمهیدیلر.
قندهار ولایتینینگ مدنیت و معلومات ریاستینی صنعت آمرلیگی سرپرستی تازهگل ریشا، قندهارده کتاب اوقیش مدنیتی کمهیگنینی تَن آلهدی؛ بیراق ایتیشیچه، اولر ایریم برنامهلرنی یولگه قوییب، کتاب ساتیش بازارینی قیتهدن قیزیقتیریب و یاشلرنی کتاب اوقیشگه آلقیشلش اوچون سعی و حرکت قیلهدیلر.
یازووچی و استاد فضل محمد پنهاننینگ ایتیشیچه، یاشلر انترنتدن فایدهلنیشی گه قوشیمچه کتاب اوقیش مدنیتینی رواجلنتیریش گه سهم آلیشلری کیرهک.