قندهار ولایتی معارف اداره‌سی، ولایت‌ده پاکستان منفعتی‌گه درس بیریله‌دیگن مکتب‌لردن بیرینی باغله‌دی. مذکور مکتب‌نینگ درسلیک‌لریده پاکستان ملی سرودی، جمهور رییس‌لری تَنیشتریلیشی و بو مملکت تاریخی باره‌سیده معلومات بیریله‌دی.
ولایت معارف اداره‌سی اورین باسری محمد عوض نینگ سلام‌وطندارگه ایتیشیچه، «روشان» ناملی اوشبو مکتب‌نینگ فعالیت جوازی آلینگن. ایتیلیشیچه، واقعه انیق لنگونگه قدر مذکور مکتب ایشیگی اوقوچیلر یوز یاپیق قالیشی ممکن.
جناب نظری، بو توغریده اوتکزیلگن تیکشیرودن سونگ مذکور مکتب‌نینگ تعلیمی نصابی‌ده پاکستان تاریخ مدنیتی، اومملکت‌نینگ سیاسی و حربی شخصیت‌لری قیسقه بیوگرافیسی انگلیس تیلیده اورگه تیلیشی معلوم بولگن دیگن. او، اوشبو موضوع تیزلیک‌ده عدلی و قضایی اداره‌لر بیلن شریک ایتیلیشی‌نی تیل‌گه آلگن.
اوشبوخصوصی مکتب‌نینگ باشلیغی عبدالنافع روشان‌نینگ اوشبو مضمونلر درس بیریلیشی‌نی تصدیقلب، بو حادثه اَتَیین عمل‌گه آشیریلمه‌گن دیب، اولر مذکور درسلیک‌لر افغانستان معارف تیزیمیگه قرشی ایکن‌لیگینی بیلمسلیک‌لرینی بیلدیرگن.
مذکور مکتب‌ده بیرینچی صنفدن اوچینچی صنفگچه درس بیریله‌دی.
ولایت مدنی فعال‌لری و اهالی مسؤوللرنی بو قیلمیشی‌نی آلقیش‌لب، قوشنی مملکت‌نینگ فرهنگ و تاریخی افغانستان‌ده درس بیریلیشی مملکت تاریخی و فرهنگی اوچون ییریک جفا دیگن‌لر.
