قندهار ولایتی نینگ دند تومنی یشاوچی‌لری نینگ سلام‌وطندارگه ایتیش‌لریچه، پولیس قومندانلریدن بیری قطار عسکرلری بیلن بیر باله‌نی جنسی زورلگن.
محل یشاوچی‌لریگه کوره، مذکور باله ملا روزی نام‌لی بیر پوسته نینگ قومندانی تامانیدن پوسته‌گه آلیب باریلگنیدن سونگ جنسی زورلنگن.
محل یشاوچی‌لری نینگ ایتیش‌لریچه، اوشبو باله نینگ عایله‌سی مسوولیتی ملا روزی قولیگه بولگن پوسته نینگ یقینیده تیریک‌چیلیک قیله‌دی.
یشاوچی‌لر نینگ معلومات‌لریگه کوره، اوشبو 14 یاشر باله جنسی زورلنگنیدن سونگ، اولدیریلگن.
قندهار پولیس قومندانلیگی سوزلاوچیسی جمال ناصر بارکزی نینگ بو ادعا رد قیلیب ایتیشیچه، مذکور باله ایکی کون آلدین ناتانیش قوراللی کیشی‌لر تامانیدن اوغیرلنگنیدن سونگ اولدیریلگن ایدی.
اونینگ ایتیشیچه، اهالی نینگ ادعالری سبب، ملا روزی و عسکرلری قولگه آلینگن و حاضرده تکشیریش‌لرنی دوامی بار.
ملا روزی و هلاک ایتیلگن باله نینگ عایله اعضاسی بوتوغریده صحبت قیلمه‌گن.
