قندز معارفی باشلیغی نجیبالرحمان ثاقب، اوشبو ولایتده 100 مکتب نینگ قوریلیش اِیشی باشلنگنیدن خبر بیرهدی.
اونگه کوره، 85 مکتب اقرا لایحهسی، دنیا بانکینینگ بودجهسی و باشقه قطاری 66 میلیون افغانی بیلن دولتی بودجه آرقلی قوریلهدی.
اونینگ کوپهیتیریشیچه، اقرا و دنیا بودجهسی آرقلی قوریلهدیگن مکتبلر مملکت بوییچه 6 مینگ مکتب قوریلیشی گه قرار قیلینگن لایحه گه شامل دیر.
عین حالده، قندر قیشلاقلری نینگ رواجلنتریش ریاستی سرپرستی عزیزالرحمان واحدینینگ ایتیشیچه، مکتبلردن کوپینچهسی تومنلر و اوزاقده بولگن منطقهلرده قوریلهدی و بیر ییل جریانیده فایدهلنیش گه تاپشیریلهدی.
شونینگدیک قندز حاکمی عبدالجبار نعیمی اوشبو پروژهلر اِیشی باشلهنیشی بیرچاغده، کیلهسی 3 آی گچه ییری بولمهگن 22 مکتبگه ییر اَجرهتیب و هیچ بیر مکتب امکانیب بولمهسی توغریسیده سوز بیرگن.
شو توغریده:
هرات ولایتیده 334 مکتب بناسینی قوریلیش ایشی باشلندی
سرپل؛ اهالی مکتب قوریلیشی اوچون 550 مینگ متر مربع ییرلرینی بیرگنلر
ننگرهار ولایتیده هندو مذهبلرگه خاص مکتب قوریلهدی
غور ولایتینینگ مکتبلریدن 70% نی بِناسی یوق دیر
شوندی بیرحالده، قندزنینگ قطار یشاوچیلری محلی ادارهدن مکتبلر بناسی معیاری شکلده قوریلیب و تعیین ایتیلگن زمانیده فایدهلنیش گه تاپشیریلیشی توغریسیده، مذکور پروژهلرنینگ قوریلیش جریانیدن جدی نظارت قیلیشلری نی سورهگنلر.
قندزدهگی 509 مکتبدن 150 مکتبنینگ بناسی بولمهگن و اوقوچیلر آچیق فضا یا-ده خیمه آستیده درس اوقیدیلر.