جوزجان یشاوچیلریدن بیرقطاری، مذکور ولایتده قماربازلیک کوپهیگنیدن شکایت قیلیب ایتیشیچه، یاشلری 16 ییلدن یوقاری بولمهگن بالهلر کونده شبرغان شهریدهگی جنگلباغ ده باریب قمار اوینهیدیلر.
مذکور ولایت یشاوچیلریدن ایکی کیشی جلال و محمدنینگ ایشانچی گه کوره، پولیس قمار بازلیک کوپهییشی گه توسیق اورنیده اونی هر بیر میدانیدن 50 افغانی دن باشلب 10 مینگ افغانی نقد پول آلهدی و باشقه قمار بازلر بیلن دوقونمهیدی. بونگه اساس، مذکور ولایتده اولر بالهلر جنسی زورلنیشی توغریسیده زمینه یرهتگنلر. چونکه پوللری بولمهگن بالهلر، اونی بدلیده رقیبلرینینگ جنسی ایستکلریگه تَن بیرهدیلر.
12 یاشیدن بولگن باله کیملیگی فاش ایتیلیشینی ایستمهی و بو شهرنینگ قمار بازلریدن بیری ایکنینی بیلدیرهدی. اونینگ ادعا قیلیشیچه، بو ایش بیلن اوزی و عایلهسینینگ خرجتینی تأمینلهیدی.
بیراق، جوزجان پولیس قومندانلیگینینگ خوفسیزلیک آمری عبدالحفیظ خاشی، پولیس تامانیدن پول آلینیشینی رد قیلیب ایتیشیچه، پولیس جنگلباغ خوفسیزلیگینی تأمینلش گه مسؤول دیر و پول آلیب قماربازلیککه زمینه یرهتمهسی کیرهک.
عین حالده، محلده حضوری بولگن پولیس عسکرنینگ ایتیشیچه، اولر کیشیلرنینگ قماربازلیگیگه توسیق بولگن صورتده، قماربازلر محلی زورهوانلر و مسؤوللر همکارلیگیده اولرنینگ ایشی گه توسیق بولهدیلر.
شونینگدیک، جوزجان ولایتیده انسان حقلری فعاللریدن بیرقطاری، قماربارلیک کینگهیگنیدن خواطر بیلدیریب ایتیشیچه، بو وضعیت دوام ایتگن صورتده، مذکور ولایت بالهلرینینگ کیلهجگی خطرگه روپهره بولهدی.