آمریکا قوشمه ایالت‌لری و اروپاده یشه‌یدیگن اوچ عیال شامل کمیده 20 افغان مهاجر، شنبه کون (31- حمل) سِرلی شکلده قطر باشکینتی دوحه شهریده طالبان نماینده‌لری بیلن اوچره‌شگن.
واشینگتن پست کونده‌لیگی تامانیدن بیریلگن گزارش گه کوره، اوشبو عیاللر حقوقی فعاللری، کمیده 6 ساعت شیرمحمدعباس استانکزی ریاستی گه طالبان هیأتی بیلن اوچره‌شیب مذاکره قیلیشگن و بو مذاکره نتیجه‌سی ایجابی دییله‌دی.
مذاکره اشتراکچی‌لریدن بیرقطاری، اوتکزیلگن ییغین منسجم بولمه‌گنینی بیلدیرگنلر، بیراق ایتیش‌لریچه، بونده‌ی سوزلشوولرگه طالبان تامانیدن علاقه کورسه‌تیلگنی و افغانستان گه تیگیشلی موضوعلرگه اهمیت بیریشلری، اوروش یکونلنیشی گه سبب بوله‌دیگن سوزلشوولرگه زمینه یره‌تیلیشی نی کورسته‌دی.
عیاللر حقوقی فعاللریدن بیری مسعوده سلطان، بونده‌ی سوزلشوولرنی تینچلیک توغریسیده بیر دروازه آچیلیش معناسیده دیب بیله‌دی. اونینگ ایتیشیچه، «طالبان نینگ حرکتی صمیمی و ایسیق ایدی، اولر تینچلیک‌که علاقه‌دارلیک‌لرینی ایتگن و سوزلشوولر بیکار قیلینگنیدن ناراحت کورینگن‌لر.»
اوشبو اشتراکچی نینگ ایتیشیچه، طالبان هیأتی عیاللر حقوقی توغریسیده بولگن مشخص توشونچه‌لرینی اولر بیلن شریک قیلمه‌گن، بیراق ایتیش‌لریچه، اسلام دینی اساسیده عیاللرگه حرمت قیلینه‌دی.
عیاللر حقوقی فعاللریدن باشقه بیری خاتول مومندنینگ بو توغریده ایتیشیچه، «طالبان اوزگرگن و اجتماع ده عیاللر نمایشی شکلده قالیش‌لرینی ایستمه‌یدی. اولرنینگ فکریگه عیاللر اجتماع ده رول اوینه‌شی کیره‌ک، بیراق حاضر هم داورلیک اوچون وقت دیر.»
عیاللر حقوقی فعاللری هیأتی گه اعضا ایرکک‌لردن بیرقطاری، تینچلیک سوزلشوولریده افغان مهاجرلریگه سهم بیریلیشی‌نی ایسته‌یدیلر.
بوندن آلدین، جمهور رئیس سوزلاوچیسی اورین باسرلریدن بیری نینگ ایتیشیچه، طالبان ایریم گروهلر بیلن خصوصی سوزلشوولرنی اوتکزگنلری توغریسیده هیچ‌قنده‌ی توشونچه‌لری یوق دیر و بو سوزلشوولرده بیان ایتیلگن موضوع کیشی‌لرنینگ شخصی توشونچه‌لری بولگن.
قطر باشکینتی دوحه شهریده طالبان گروهی نماینده‌لر بیلن عیاللر حقوقی فعاللری آره‌سیده اوتکزیلگن سوزلشوولر، شو هفته شنبه و یکشنبه کونلری دوحه ده طالبان گروهی نینگ نماینده‌لری، حکومت نماینده‌لری و سیاستچی‌لر آره‌سیده یولگه قوییلیشی کوتیلگن سوزلشوو ییغینی بیکار قیلینگنیدن سونگ، عمل گه آشیریلگن.
جمهورلیک ریاستی تامانیدن نشر قیلینگن خبرنامه‌ده ییغین بیکار قیلینیش سببی حکومت تامانیدن تعیین ایتیلگن 250 کیشی‌لیک هیأت رویخطی گه طالبان گروهی قرشی‌لیک کورستگنی دییلگن.
