قزاقستان رسمی‌لری نینگ اعلام قیلیشیچه، «بک ایر» هوایی چیزیغ‌لریگه تیگیشلی یولاوچی تاشووچی بیر اوچاق 100 یولاوچیسی بیلن مذکور مملکت جنوب شرقی‌ده جایلشگن آلماتا شهری نینگ یقیین‌لیگیده قوله‌گن.
مذکور اوچاق 95 یولاوچی و 5 ایشلاوچی شامل 100 کیشی بیلن قزاقستان پایتختی نورسلطان تامان یول آلگن ایکن.
مذکور حادثه‌ده، حاضرگچه 14 کیشی هلاک و باشقه 35 کیشی قتیق جراحت کوتارگن.
شو توغریده:
- قرقیزستانده ترکیه اوچاغی قوله‌شی نتیجه‌سیده 32 کیشی هلاک بولگن
روسیه‌نینگ حربی اوچاغی قاره دینگیزگه قوله‌دی
الجزایر اوچاغی قوله‌گنی باعث، 257 کیشی هلاک بولگن
آلماتا خلق‌ارا هوا قونالغه‌سی نینگ رسمی‌لریگه کوره، مذکور اوچاق بوگون (جمعه 6- جدی) ایرته‌لب اوشبو هوا قونالغه‌دن کوتاریلگنیدن کیین، فنی قیینچلیک‌که دوچ کیلیب و ایکی طبقه‌لی بیر بنا گه اصابت قیلگن.
قزاقستان جمهوررئیسی قاسم توقایف بیر توییت آرقه‌لی اعلام قیلیشیچه، بیرار کیشی بو حادثه توغریسیده عیب‌لنگن صورتده قتیق جزالنتیریلیشی ممکن.
