قزاقستان‌نینگ آلماتا شهریگه هوا یولی‌دن ایرته جمعه 4.6 تُن سوداگرلیک تَور یوباریلیشی‌گه قرار قیلینگن. دهلی و ممبی هوای یوللریدن سونگ، بو افغانستان تجارلری‌نینگ سوداگرلیک تَورلرینی هوا دن چیت ایل‌گه انتقال بیره‌دیگن اوچینچی هوا یولی سنله‌دی.
جمهورلیک ریاستی‌نینگ مالی و بانکدارلیک ایشلری بوییچه عامه‌وی علاقه ییریک مصلحتچیلیک مسؤولی سمیر رسانینگ ایتیشیچه، حاضرگه‌قدر کابل و قندهار هوا قونلغه‌لریدن 70 اوچیش ممبی و دهلی شهرلریگه بولگن و بو اوچیش‌لر آرقه‌لی افغانستان تجارلری‌نینگ 2000 تُن سوداگرلیک تَوری، مذکور ایکی شهرگه انتقال بیریلگن. اونگه کوره، اوشبو تَورلر تازه و قوریق میوه، قول صنعتی و قالین دن عبارت بولیب و ارزشی 30 میلیون دالردن کوپراق بوله‌دی.
جناب رسا، سوزلرینی باشقه بولیمی‌ده حکومت و خصوصی شرکت‌لر آره‌سیده امضاءلنگن کیلیشوولردن ایسله‌گن. اوشبو کیلیشوولر اساسیده، مملکت شمالی‌ده خصوصی شرکت‌لر گاز انرژیسی‌نی برق انرژیسی‌گه اوزگرتیریب و برق شرکتی اختیاریده بیره‌دی و بو انرژیدن باشقه ولایت‌لر فایده‌لنه‌دی. رساگه کوره، اوشبو کیلیشوو اساسیده، بیات شرکتی 40 میگاوات و غضنفر شرکتی 50 مگاوات برق ایشلب چیقاره‌دی.
اونینگ کوپه‌یتیریشیچه، ارغندی فرعی ایستگاهیدن 220 کیلووات برق‌نی لوگر و پکتیا ولایت‌لریگه ییتکیزه‌دیگن خط ایشی 94% یکونلنگن.
جناب رساگه کوره، کابل شهری‌نینگ برقی کمه‌ییش دلیل‌لریدن بیری 50 مگاوات برق بیره‌دیگن تره‌خیل دیزلی برقی‌دن فایده‌لنیش دیر. اونینگ کوپه‌یتیریشیچه، کجکی برقی‌نینگ ایکینچی فازی یکونلنگن صورتده، مملکت برقی باشقه 151 مگاوات کوپه‌ییشی ممکن.
