مملکت ملی فوتبال تیرمه جماعه‌سی‌نینگ کاپیتانی فیصل شایسته، بوندن کیین، مالزیانینگ پهانگ فوتبال کلوبیده اوینه‌یدی.
اوشبو کلوب‌نینگ رسمی سایتی‌دن ترقه‌تیلگن معلومات‌ده کیلیشیچه، حاضرگی کونلرده شایسته، مالزیا پایتختی کوالالامپورده تمرین‌لرینی باشله‌گن.
او، جاری میلادی ییل اگست آیی‌ده، مذکور مملکت‌نینگ لیگ برتر فوتبال بیلشوولریده اوینه‌شی‌گه قرار قیلینگن. مالزیا فوتبال بیلشوولری بیرینچی لیگی میلادی 1921- ییل‌ده یولگه قوییلدی و پهانگ فوتبال کلوبی اوشبو بیلشوولرده حاضرگچه 6 مرته قهرمانلیک جامی‌نی کسب ایتگن.
فیصل شایسته، بیرینچی مرته میلادی 2014- ییل افغانستان ملی فوتبال تیرمه جماعهسیده اوینه‌دی و حاضرگچه مملکت ملی فوتبال اویینچی‌لری‌نینگ یانیده توریب 54 بیلشووگه اشتراک ایتگن.
حاضر شایسته 24 یاشیده بولگن، فوتبال اویینی‌نینگ میلادی 2013- ییل، بلغاریالیک بیر فوتبال تیرمه جماعهسیده باشله‌گن و اوندن کیین تایلند فوتبال تیمی اویینچی‌لری بیلن بیرگه بولگن.
