جنوبی آسیا فوتبال یریم فاینلیده، افغانستان فوتبال تیرمه جماعه‌سی سیریلانکا تیرمه جماعه‌سی بیلن بیله شوو اوتکزیشی بیلن سیریلانکانی 5 گول اوردی. مذکور اویین پنج‌شنبه کون کیش قورونده هند اولکه‌سی کرالای شهریده‌گی سپورت میدانیده اوتکزیلدی.
فوتبال‌چیلریمیز قهرمان‌لیک مقامینی قولگه کیریتیش اوچون بیله‌شوولر اوتکزیب، بنگله‌دیش، بوتان و مالدیونی نیچه گول اوریشلری بیلن آلدلریدن کوتارتیب یریم فاینل باسقینچی‌گه کیلدیلر.
افغانستان فوتبال تیرمه جماعه‌سی‌نینگ سیریلانکاگه قرشی موفق بولیشی و مالدیونینگ هندبیلن چیقیشی، بیله‌شوو فاینلی 13- جدی افغانستان و هند تیرمه جماعه‌سی ارا بیله‌شوو اوتکزیله‌دی.
کورینیشیچه، افغانستان فوتبال‌چیلری جنوبی آسیا بیله‌شوولریده سونگی مرته اشتراک ایتیشلری بیلن بیله‌شوونی خاطره‌لی شکلده اوز نفع‌لریگه آغدیره‌دی.
کیله‌سی ییلدن باشلب افغانستان فوتبال تیرمه جماعه‌سی اورته آسیا قهرمان‌لیک جامی اوچون بیله‌شووگه کیره‌دی. بو بیله‌شوولرده افغانستان، تاجکستان، قیرغیزستان، اوزبیکستان، ایران و ترکمنستان اولکه‌لری قتنه‌شه‌دی.
