فوتبال زنان آسیا؛ افغانستان به مصاف اوزبیکستان می‌رود

زمان‌بندی و فهرست تیم‌های اشتراک‌کننده در دور نخست رقابت‌های فوتبال زنان مرکز آسیا از سوی شورای مرکزی فوتبال آسیا اعلام شد.

بر بنیاد معلومات فدراسیون فوتبال افغانستان، تیم فوتبال زنان افغانستان امروز در نخستین رقابت خود به مصاف تیم اوزبیکستان می‌رود.

این بازی ساعت 3 بعد از ظهر به وقت افغانستان در ورزشگاه تاشکند برگزار می‌شود.

تیم ملی زنان افغانستان در بازی دوم خود قرار است به روز یک‌شنبۀ آینده (25 نوامبر) در مقابل تیم فوتبال زنان ایران قرار گیرد.

به تعقیب این بازی‌ها تیم زنان افغانستان به تاریخ 27 نوامبر به مصاف تیم قرغزستان رفته و سپس به تاریخ اول سپتامبر در برابر تیم فوتبال زنان تاجیکستان به میدان می‌رود.

دور نخست رقابت‌های فوتبال زنان مرکز آسیا فردا رسماً آغاز شده و در این بازی‌ها به شمول افغانستان، تیم‌های ایران، تاجیکستان، قرغزستان و اوزبیکستان به مصاف هم می‌روند.