بوگون «سهشنبه» کابلده خبری بیر ییغین اوتکزگن فواید عامه وزیری یما یاری، مملکتنینگ 4 ولایتیده تطبیق ایتیلهدیگن تورت رواجلنتیریش پروژه شرطنامهسینی خصوصی شرکتلر بیلن امضاءلهدی.
اوشبو پروژهلر 42 میلیون افغانی ارزشی گه غور، بدخشان و غزنی ولایتلریده تاش توکیلگن جادهلرنی ایکینچی مرته قوریش و 4.7 میلیون دالردن کوپراق ارزشی بولگن 53 کیلومترلیک کابل- ننگرهار قتناو یولی قیته قوریلیشیدن عبارت بولگن.
فواید عامه وزیرینینگ ایتیشیچه، اوشبو پروژهلر دنیا بانکی و آسیا ترقیات بانکی تامانیدن مالی حمایه بولهدی.
اونگه کوره، کابل-جلالآباد جادهسینی قیته قوریلیش سونگی بولیم شرطنامهسی بوگون امضاءلنهدی.
یارینینگ کوپهیتیریشیچه، فواید عامه وزیرلیگی کابل-قندهار و کابل-لوگر قتناو یوللرینی تیکشیریش ایشینی یکونلنتیرگن و تدارکاتی باسقیچی اوتکزیلگنیدن سونگ، مذکور قتناو یوللرنی قیته قوریش ایشی هم باشلنهدی.
فواید عامه وزیرینینگ ایتیشیچه، اولر یشاوچیلرنینگ قیینچیلیکلرینی حل قیلیش اوچون سالنگ قتناو یولینی تیزلیکده قیته قوریش اوچون دولت بودجهسینی احتیاطی کودی دن 300 میلیون افغانی قولگه کیریتگن و بو قتناو یولنی قیته قوریش ایشی جاری قویاش یکونلنگونگهقدر عملگه آشیریلیشی ممکن.