افغانستان فواید عامه وزیری یما یاری، خصوصی بِنا قوریش شرکت‌لر بیلن 3 پروژه شرطنامه‌سینی امضاءله‌دی.
اوشبو پروژه‌لرگه کابل-غزنی قتناو یولی قیته قوریلیشی و قندهار ولایتی‌نینگ ارغستان و دایکندی ولایتی‌نینگ نیلی تومن‌لری‌نی جاده‌لری قوریلیشی شامل بوله‌دی.
جناب یاری گه کوره، 34 کیلومتر اوزونلیگی بولگن کابل-غزنی جاده‌سینی قیته قوریش شرطنامه‌سی بیر خصوصی بِنا قوریش شرکتی بیلن امضاءلنگن و ایشی بیر ییلده یکونلنه‌دی.
فواید عامه وزیری‌نینگ ایتیشیچه، بو پروژه‌نی خرجتی 4 میلیون دالر بوله‌دی و بو پول آسیا ترقیات بانکی تامانیدن توللنه‌دی.
یاری‌نینگ کوپه‌یتیریشیچه، اوشبو شرطنامه‌لر اساسیده، دایکندی ولایتی‌نینگ نیلی تومنی‌نی 9 کیلومترلیک جاده‌سی 6 میلیون افغانی‌دن آرتیق ارزشی گه 18 آی‌ده یکونلنه‌دی.
فواید عامه وزیری‌نینگ ایتیشیچه، شونینگدیک 2 کیلومتر اوزونلیگی بولگن قندهار ولایتی‌نینگ ارغستان تومنی‌نی جاده‌سینی قیته قوریش شرطنامه‌سی بیر خصوصی شرکت بیلن امضاءلنگن و اونی ایشی میلادی 2018- ییل‌نی اداغیگچه یکونلنیشی ممکن.
فواید عامه وزیرلیگی مسؤوللری‌نینگ ایتیشیچه، سالنگ جاده‌سینی قیته قوریش ایشی هم دوام ایتماقده و اونی ایشی قیش موسومی گچه یکونلنه‌دی.
