یک‌شنبه کون، فقرالیک کیلیشوو لایحه‌سی، ملی بیرلیک حکومت رهبرلری، کابینه اعضالری، قطار مملکت‌لرنینگ نماینده‌لری و مملکت بویلب رواجلنتیریش کینگش‌لر اعضالری حضوریده آچیلدی.
فقرالیک کیلیشوو لایحه‌سی آچیلیش مراسمی‌ده مملکت جمهور رییسی محمداشرف غنی‌نینگ ایتیشیچه، اوشبو لایحه مملکت بویلب بیردیک عمل‌گه آشیریله‌دی و حکومت بو لایحه‌نی ناتینچ منطقه‌لرده هم عمل‌گه آشیریشی خصوصیده، سعی و حرکت قیله‌دی.
جمهور رییس ایشانچی‌گه کوره، فقرالیک کیلیشوو لایحه‌سی افغانستان‌ده دولت‌دارلیک مدنیتی‌نی هم اوزگرتیریشی ممکن.
جناب غنی‌نینگ کوپه‌یتیریشیچه، افغانستان حاضرگی کونلرده مسلکی کادرلرگه ایگه بولگن و بو کادرلر، بوندن آلدین، 18 آی‌ده عمل‌گه آشیریلمه‌گن ریجه‌لرنی، حاضر 6 آی ایچیده اجرایی باسقیچی‌نی عمل‌گه آشیره‌دیلر.
.jpg)
شونینگ‌دیک، اوشبو ییغینده اجراییه باشلیغی عبدالله عبدالله‌نینگ ایتیشیچه، ملی بیرلیک حکومتی، فقرالیک کیلیشوو لایحه‌نی آچیب، حقیقت‌ده مهم سوزلریدن بیری‌نی عمل‌گه آشیرگن.
اجراییه باشلیغی‌گه کوره، فقرالیک کیلیشوو لایحه عمل‌گه آشیریلگن صورتده، مملکت‌ده کَم بغل‌لیک، ایش سیزلیک کمه‌ییشی و آست قوریلمه‌لر کینگه‌ییشی‌گه سبب بوله‌دی.
مالیه وزیری اکلیل حکیمی، اوشبو لایحه‌نینگ مالی خرجتی بیر میلیارد دالردن آرتیق دیب ملی بیرلیک حکومتی و خلق ارا اداره‌لری تامانیدن توللنیشی‌نی معلوم قیلگن.
جناب حکیمی‌نینگ کوپه‌یتیریشیچه، فقرالیک کیلیشوو لایحه‌سی، اهالی اوز آیاغی اوستی‌ده توخته‌ش نیتی‌ده ریجه‌لنگن و اوشبو لایحه‌نینگ تورت ییل‌لیک بودجه‌سی مالیه وزیرلیگی‌نینگ اختیاریده بولگن.
فقرالیک کیلیشوو لایحه، خلق ارا اداره‌لری همکارلیگی‌ده حکومت تامانیدن آلتی آی جریانیده ریجه‌لنگن و بو لایحه 10 ییل جریانیده اوچ باسقیچ‌ده مملکت بویلب رواجلنتیریش کینگش‌لر همکارلیگی‌ده عمل‌گه آشیریلیشی ممکن.
اوشبو لایحه ساغلیک، اورگه‌تیش‌و تربیه‌لش، ایکینچیلیک، سوو ییتکزیش و بنا قوریش‌لردن عبارت بولیب، ملی بیرلیک لایحه‌لری اورنیده اورنه‌تیله‌دی.
