غور ولایتی والیسی نینگ اورین باسری محمدامین توخی بوندن نیچه وقت آلدین ولایت نینگ بعضی بیر محلی ادارهلر رسمیلری بیلن پولیس قوماندانلیگی نینگ شرطنامهلریده 117 میلیون افغانینی حیف و میل قیلگنلیکده عیب لهنیب حبس آلینگن ایدی. اما او 8 آیدن کیین بوگون (دوشنبه) رسمی شکلده یگه سابق لوازمیگه قیتدی.
لیکن، ولایت نینگ بیر قنچه مدنی جماعه چیلیک فعاللری اعتراض بیلدیریب، ولایت والیسیدن جناب توختی ولایت اورین باسری صفتیده تعیین ایتلیشیگه توسیق بولیشینی سورهگنلر. اوشبو مدنی فعاللر، ولایت اورین باسرینی اداری همده اخلاقی فسادگه عیبلهگنلر. اعتراضچیلر، توخی لوازمیدن آلینمهگن حالده، خیابانلرگه چیقیش توغریسیده آگاهلنتیرگنلر.
شونینگدیک غور ولایتی نینگ والیسی غلام ناصر خاضع، جناب توخی محلی ارگانلر ادارهسی قراری اساسیده قیتهدن سابق لوازمیگه تعین ایتییلگن لیگینی بیلدیرگن. او، مساله توغریسیده ارگانلر محلی ینه جمهور رییسنی جریانگه قوییشلرینی بیلدیرگن.
بو توغریده جناب توخی نینگ فکرینی اورگه نیش اوچون آلیب بارگن سعی و حرکتلریمیز نتیجه بیرمه دی.
بوندن سکیز آی آلدین غور ولایت والیسی نینگ اورین باسری محمدامین توختی، ولایت مستوفیسی محمدیوسف دانیار، مستوفیت درآمد ادارهسی مدیری عبدالحق رسولی، مستوفیت اداری مدیری نورالدین، ولایت تدارکات مدیریتی عبدالصمد، شهر قوریش آمری انجینیر خیرالدین و ولایت نینگ اداری رییسی غلام محمد پیمانلر سابق والی تامانیدن 117 میلیون افغانی نی حیف و میل ایتگنلیکلری عیبی بیلن باشقره لاوچیلیککه تانیشتیریلگن ایدیلر.