د فراه ولایتي شورا یوشمېر غړیو سلاموطندار ته ویلي چې طالبانو تېره شپه پر فراه ښار او بالابلوک ولسوالي بریدونه وکړل چې ګڼشمېر امنیتي ځواکونو ته یې مرګژوبله اړولې ده.
د فراه ولایتي شورا مرستیال شاهمحمود نعیمي وايي، طالبانو د بالابلوک ولسوالي په آبخرمای سیمه کې پر یوه کنډک چې د هرات ـ کندهار پر لویه لاره کې دی، برید کړی او له کبله یې ۳۰ امنیتي ځواکونه وژل شوي دي. د نوموړي په وینا، د طالبانو په نورو بریدونو کې هم امنیتي ځواکونو ته مرګژوبله اووښتې، خو د شمېر په اړه یې مالومات نهلري.
په همدې حال کې د فراه ولایتي شورا غړی خیرمحمد نورزايي که څه هم د په یاد کنډک کې د وژل شويو امنیتي ځواکونو شمېر نهښيي، خو زیاتوي چې په یاد کنډک کې ۴۵ امنیتي ځواکونه وو چې د لومړنیو راپورونو له مخې د ملي اردو ۱۵ سرتېري او له ۱۵ تر ۲۰ پولیس وژل شوي دي. د نوموړي په وینا، دغه د دفاعي او امنیتي ځواکونو ګډ کنډک و چې د فراه په خاکسفېد ولسوالي کې و، خو ۳ ورځې وړاندې آبخرما سیمې ته راولېږدول شو.
خو د فراه د پولیسو ویاند محبالله محب که څه هم د غه ولایت پر بېلابېلو برخو کې د طالبانو بریدونه مني، خو امنیتي ځواکونو ته د اووښتې مرګژوبلې په اړه څه نه وايي. د نوموړي په وینا، یادو نښتو کې طالبانو ته هم درنه مرګژوبله اووښتې ده.
بلخوا د طالبانو ویاند قاري یوسف احمدي وايي، د دوی کسان تېره شپه شاوخوا ۱۱ بجې په کنډک کې د ۶ نفوذي کسانو په همکارۍ د ملياردو او پولیسو کنډک ته ورغلي او ۳۰ امنیتي ځواکونه یې وژلي دي.
