فراه ولایتی نینگ محلی رسمی‌لری نینگ ایتیشلریچه، بو ولایتده 6500 جنگری طالب فعالیت قیلیب کیلماقده.
فراه والیسی محمدآصف ننگ نینگ سلام‌وطندار بیلن اوتکزگن ویژه صحبتی‌ده ایتیشیچه، اولکه بویلب فراه ولایتی طالب کوپچیلیگی و امنیتی کوچلر آزلیگیده قرار تاپیب، بیرینچی اورینده قرار تاپگن. شونده‌ی بولسه هم امنیتی جهتدن «ثباتلی» ولایتلردن بیری دیر.
فراه والیتی 10 تومندن تشکیل تاپگن و شوحاضر 3 ولسواللیگی‌ده اوروش دوامی بار و باشقه ایکی تومنی اوروش بولمسدن طالب‌لر تهدیدی بیلن روپه‌ره دیر. جناب ننگ‌گه کوره، بالابلوک، خاک سفید و پشت رود تومنلریده کون سایین امنیتی کوچلر بیلن طالب‌لر ارا توقنه‌شوو بار.
شونینگ‌دیک جناب ننگ اوتمیش 10 آی دوامیده جنگری طالب‌لر ولایت مرکزی و تومنلرینی تصرف قیلیشلری اوچون 82 مرته عملیات اوتکزگن؛ اما موفق بولمه‌گنلر دیدی.
ننگ نینگ بیلدیریشیچه، بو ولایتده شو سونگی آیدلرده طالب‌لر یانیده داعش گروهی هم خاک سفید تومنیده اوز فعالیت‌لرینی باشله‌گن؛ اما طالب‌لر، محل یشاوچی‌لری و مردمی کوچلر واسطه‌سی بیلن بوگروه نابود بولگن.
فراه والیسی داعشنی افغانستانده ایشدن قالگن نسخه دیب، اولکه بویلب اینیقسه فراه ولایتیده بولرگه اورین یوق دیگن.
شونینگ‌دیک او مرکزی حکومت تامانیدن فراه ولایتیده قشاقلیک نابود بولیشی و ایش زمینه‌سی یره‌تیلیشی اوچون دقت بولمه‌گن و مرکزی رسمی‌لردن جدی توجه قیلیشلرینی ایستیدی.
اما فراه ولایتی‌نینگ پارلمانده‌گی نماینده‌لریدن بیری حمیرا ایوبی نینگ ایتیشیچه، فراه توپراغی کینگ و امنیتی کوچلری آز بولیشی سبب اوتمیش 14 ییلده ولایت کامل شکلیده تینچ بولمه‌گن ولایتلردن ایدی و هردایم طالب‌لر ایریم تومنلرده فعالیت قیلیشلریگه مرکزی حکومت باشلیغ‌لری توجه قیلمه‌گن دیدی.
خانم ایوبی نینگ ایتیشیچه، 14 ییلدن بویان طالب‌لر ولایت بالابولک، خاک سفید و بکوا تومنیده تسلط قیلگن. شونینگ‌دیک خانم ایوبی‌گه کوره، گلستان تومنی مرکزیدن باشقه بوتون منطقه جنگری طالب‌لر تصرفی‌گه اوتگن. اونینگ ایتیشیچه، حکومتی کوچلر آذوقه‌لری هم هوا دن انتقال بیریله‌دی.
بو پارلمان اعضاسی نینگ ایتیشیچه، فراه ولایتی نینگ پشت رود و پشت کوه تومنلری آلدیندن تینچ ایدی؛ اما بوییل باشله‌نیشی بیلن مذکور تومنلر هم ناتینچ منقطه‌لردن بولیب قالگن.
عین حالده، فراه ولایتی رسمیلری‌گه کوره، حاضرگی ناتینچ‌لیکلر ایریک دلیلی، هلمند ولایتی بیلن چیگره داش بولگن‌لیگی دیر. اولکه جنوبیده جایلشگن هلمند ولایتی افغانستان بویلب ناتینچ ولایتلردن سنله‌دی.
