فراه پولیس قومندانلیگی سوزلاوچیسی اقبال باهرنینگ ایتیشیچه، اوشبو ولایت‌نینگ بکواه تومنیده بیرلشیک کوچلر تامانیدن اویوشتیریلگن هوایی عملیات نتیجه‌سیده مخدره ماده ایشلب چیقاره‌دیگن کته بیر ایش‌خانه ویران ایتیلگن و مذکور ایش‌خانه ده 1000 کیلوگرام دن آرتیق مخدره ماده موجود ایکن و شونینگ‌دیک، اوشبو هجوم‌ده 8 قوراللی طالب هلاک ایتیلگن.
جناب باهرگه کوره، اوشبو هوایی عملیات‌گه قوشیمچه، حربی کوماندو کوچلری و چیت ایللیک خاص کوچلر، فراه ولایتی‌نینگ خاک سفید تومنی قیزیل دیوار قیشلاغی‌نی هوا و ییردن هجوم آستیگه آلگن و نتیجه‌ده طالبان گروهی‌نینگ اوچ قرارگاهی و بیر ساغلیق‌نی سقلش مرکزی ویران ایتیلگن و باشقه 10 جنگری قولگه آلینگن.
فراه پولیس قومندانلیگی سوزلاوچیسی‌نینگ کوپه‌یتیریشیچه، بو عملیات‌لرگه قوشیمچه، فراه‌نینگ پشت‌رود تومنیده ملی اردو، ملی پولیس و ملی خوفسیزلیک کوچلری‌نینگ قوشمه عملیاتی نتیجه‌سیده، 8 جنگری طالب هلاک و شونینگ‌دیک، نیچه حلقه ماین کشف ایتیلگن.
فراه امنیتی رسمی‌لری‌نینگ ایتیشیچه، اوشبو عملیات فراه ولایتی‌نینگ ناتینچ تومن‌لری بوتونله‌ی جنگری طالب‌لردن تازه‌لنگونگه قدر دوام ایتیشی ممکن.
طالبان گروهی حاضرگچه بوتوغریده هیچ نرسه دیمه‌گن.
