فراه ولایتیده بیر ملاامام اوچ عایله‌نینگ اعضاسینی اوققه توتگن

فراه ولایتیده بیر مسجد امامی اوچ عایله‌نینگ اعضاسینی اوققه توتگن؛ اوشبو اوق آتیش‌لر نتیجه‌سیده 11 کیشی هلاک و باشقه 5 کیشی یره‌لنگن.

سلام‌وطندارگه صحبت بیرگن فراه ولایت کینگشی اورین باسری شاه‌محمود نعیمی نینگ ایتیشیچه، اوشبو واقعه اوتگن کون کیچ قورون فراه نینگ خاک‌سفید تومنی گه تیگیشلی منطقه ده یوز بیرگن.

جناب نعیمی گه کوره، مذکور امام بیرینچی دن اوز عایله‌سینی اوققه توتگن، بیراق ایکی قوشنیسی واقعه دن خبر بولیب دخالت قیلگن بیرچاغده، اولرنینگ اویلری گه کیریب و ایکی قوشنی اعضالرینی اوققه توته‌دی.

فراه ولایت کینگشی اورین باسری نینگ ایتیشیچه، هلاک ایتیلگن‌لرگه 7 عیال و ایکی باله هم شامل دیر.

جناب نعیمی گه کوره، بو واقعه طالبان نینگ نظارتی ده بولگن منطقه ده یوز بیرگن و احتمال باریچه قاتل طالبان تامانیدن قولگه آلینگن.

اوشبو واقعه سببی حاضرگچه بیللی بولمه‌گن.

فراه پولیس قومندانلیگی هم بو قضیه‌نی تصدیق‌لیدی، بیراق ایتیشیچه، قربانلر رقمی حاضرگچه بیللی بولمه‌گن.

اوشبو قضیه دن سلام‌وطندارگه یوباریلگن ویدیوده اوچ جسد کورینه‌دی. شونینگدیک، اوشبو ویدیوده مذکور عایله‌لرنی قالگن اعضالری‌نینگ ناله و فریادی ایشیتیله‌دی.