سلام‌وطندارگه صحبت بیرگن فراه پولیس قومندانلیگی سوزلاوچیسی محب‌الله محب نینگ ایتیشیچه، اوتگن کیچه مذکور ولایت نینگ پرچمن تومنیدن 16 تینچ اهالی دولت گه یاردم بیریش گه عیب‌لنیب طالبان تامانیدن آلیب کیتیلگن.
اونگه کوره، اوغیرلنگن کیشی‌لرگه عیاللر هم شامل دیر.
فراه پولیس قومندانلیگی سوزلاوچیسی نینگ کوپه‌یتیریشیچه، طالبان تامانیدن آلیب کیتیلگن کیشی‌لر تینچ اهالی بولیب و دولت بیلن هیچ‌قنده‌ی علاقه‌لری یوق دیر.
جناب محب نینگ ایتیشیچه، پرچمن تومنی یشاوچیلریدن کوپینچه‌سی دولت و امنیتی کوچلرگه طرفدار دیر و شو یوزه‌دن طالبان اولرنی اوزلری بیلن آلیب کیتگن.
فراه پولیس قومندانلیگی سوزلاوچیسی نینگ ایتیشیچه، طالبان تامانیدن آلیب کیتیلگن کیشی‌لرنینگ قوییب یوباریش اوچون امنیتی کوچلر تامانیدن سعی و حرکت باشلنگن.
طالبان گروهی حاضرگه‌قدر بو توغریده فکر بیلدیرمه‌گن.
شو توغریده…
فراه ده آتیشمه‌لر دوامی؛ طالبان انارده تومنیده جایلشگن
