سلام‌وطندارگه صحبت بیرگن فراه معارف ریاستی باشلیغی محمد عظیمی نینگ ایتیشیچه، اوتگن کیچه فراه شهری نینگ 22 کیلومترلیگی ده بولگن بیر قیشلاقده جایلشگن «شهید بنفشه» آتلی قیزلرگه خاص مکتب ناتانیش قوراللی کیشی‌لر تامانیدن پارتله‌تیلگن.
عظیمی گه کوره، مکتب قوروقچیسی بو واقعه دن سونگ قاچیب کیتگن و قوراللی کیشی‌لر مذکور مکتب نی کوپینچه قسمتی و درسی صنف‌لرنی پارتلاوچی ماده جایلشتیریب بوزیب تشله‌گن.
فراه معارف باشلیغی نینگ ایتیشیچه، مذکور مکتب ده بیر مینگ دن آرتیق قیز درس اوقیدی ایکن و بو مکتب بوزیلگنیدن سونگ، اوقووچیلر درس دن قالگن.
فراه ولایتی نینگ ولایتی کینگش اورین باسری شاه‌محمود نعیمی، بو ایش‌نی طالبان گروهی گه نسبت بیریب ایتیشیچه، نیچه وقت آلدین مذکور گروه نینگ جنگریلری شهید بنفشه مکتبی باغله‌نیشی نی سوره‌گن ایکن، بیراق محل اهالیسی اولرنینگ کته‌لری بیلن صحبت قیلگن‌لریدن سونگ، بو مکتب اوقووچی‌لرنینگ یوزیگه باغلنمه‌گن.
بیراق، فراه معارف ریاستی‌نی باشلیغی، طالبان گروهی تامانیدن مذکور مکتب باغله‌نیشی سوره‌لگنینی رد قیله‌دی.
طالبان گروهی شامل حاضرگچه هیچ بیر گروه بو واقعه مسؤولیتی‌نی بوینیگه آلمه‌گن.
