.jpg)
فاریاب ولایتی‌ده قورشاوگه آلینگن بیر پولیس شامل 13 حربی عسکرنینگ عایله‌لری‌گه کوره، حکومت فاریابده طالب‌لرنینگ ناملنگن والیسی‌نی قوییب یوبارمه‌گن صورتده، مذکور گروه بیش کوندن کیین، قورشاولریده‌گی عسکرلرنی اولدیره‌دی.
بیر پولیس و 12 حربی عسکر کمیده اوچ آی آلدین، فاریابده حربی تیک اوچرلریدن بیری‌نینگ سقوطی نتیجه‌سیده طالب‌لرنینگ قولی‌گه توشگن ایدی. شونینگ‌دیک، اوشبو واقعه نتیجه‌سیده 8 عسکر هلاک بولگن.
اوتگن (چهارشنبه کون، 5- حوت)، مذکور عسکرلرنینگ عایله‌لری کابل‌ده ناراضیلیک نمایش اوتکزیب، حکومت باشلیغ‌لری‌نی امنیتی کوچلر خصوصیده خیانت، دقت‌سیزلیک و بی فرق یانده‌شیش‌گه عیب‌له‌دی.
.jpg)
اوشبو عایله‌لرنینگ ایتیشیچه، فاریاب اوچون طالب‌لرنینگ ناملنگن والیسی قاری صلاح الدین، دولت قورشاویده بولگن و بو قومندان قوییب یوباریلمه‌گن صورتده، طالبلر مذکور عسکرلرنینگ اولدیره‌دی.
عین حالده، مدافعه وزیرلیگی‌نینگ سوزلاوچیسی دولت وزیری‌نینگ ایتیشیچه، مملکت امنیتی اداره‌لری، قورشاوده‌گی عسکرلرنی قوییب یوباریشی توغری‌سیده بار توانی‌دن فایده‌لنه‌دی.
ناراضیلیک نمایش اداغیده، اعتراضچی‌لر بیر شرطنامه ترقه‌تیب، حکومت‌دن امنیتی کوچلر برابریده‌گی سیاست اوزگرتیریلیشی‌نی سوره‌گن‌لر. اولرنینگ آگاه‌لنتیریشیچه، ایستک‌لریگه ایجابی جواب بیریلمه‌گن صورتده، کینگ ناراضیلیک‌لرگه قول اوره‌دی.
