محلی منبع‌لرنینگ ایتیش‌لریچه، مذکور تینچ‌اهالی فاریاب ولایتی خواجه سبزپوش تومنی نینگ بایقیزی قیشلاغیده میمنه-مزار قتناو یولی نینگ تازه‌لش اوچون یولگه قوییلگن عملیاتده هلاک ایتیلگن.
منطقه یشاوچی‌لریدن بیری آتی فاش ایتیلیشی نی ایستمه‌ی سلام‌وطندارگه ایتیشیچه، اوتگن کیچه ساعت ۱۱ اطرافیده امنیتی کوچلر خواجه سبزپوش تومنی نینگ بایقیزی قیشلاغی گه هوایی هجوم اویوشتیرگن.
اونگه کوره، بو هجوم‌ده بیر عیال و ایکی باله شامل ۴ تینچ‌اهالی هلاک و باشقه ۴ کیشی ایسه یره‌لنگن.
مذکور کیشی نینگ کوپه‌یتیریشیچه، بو حادثه‌ده اوچ یشش اوی هم تخریب بولگن.
عین حالده، فاریاب پولیسی سوزلاوچیسی عبدالکریم یورش بو حادثه توغریسیده اوز خبرسیزلیگی نی بیلدیریب ایتیشیچه، میمنه-مزار قتناو یولی نی تازلش اوچون یولگه قوییلگن عملیاتده، حاضرگچه ۵ طالب هلاک و باشقه ۷ طالب یره‌لنگن.
عین حالده منطقه یشاوچی‌لریدن قطاری تینچ‌اهالی تلفاتی آلدی آلینیشی اوچون، فاریاب خوفسیزلیک رسمی‌لریدن اوشبو حربی عملیات توخته‌تیلیشی نی سوره‌شگن.
شونده‌ی بیر حالده ایکی کون آلدین فاریاب محلی مسئوللری میمنه-مزار قتناو یولی طالبان وجودیدن تازله‌نیش اوچون حربی عملیات باشلنگنیدن خبر بیریگن ایدی.
