فاریاب ولایتی‌نینگ خانچارباغ و قرمقول تومن‌لریده اوتگن کیچه یاغگن قلین قار و یامغیر نتیجه‌سیده یوزلرچه اوی بوزیلگن.
فاریاب ولایت کینگشی اعضالری‌نینگ ایتیشیچه، مذکور تومن‌لرده 400 دن چاروا تلف بولگن. اولر، اهالی وضعیتی‌نی خواطرلی بیلیب ایتیش‌لریچه، حاضرگچه مذکور منطقه اهالیسی گه هیچ قنده‌ی یاردم بیریلمه‌گن.
فاریاب ولایت کینگشی اعضاسی انجنیر روزی، فاریاب ولایتی‌نینگ ایکی تومنیده سونگی سوو تاشقین‌لری نتیجه‌سیده 150 اوی بوزیلگنینی تصدیق‌لگن.
عین حالده، سلام‌وطندارگه تلیفونی صحبت بیرگن فاریاب ولایتی‌نینگ قرمقول تومنی اهالیسی‌دن بیری شمس‌الله نینگ ایتیشیچه، اوتگن کیچه ساعت 11 ده قیشلاقلریده یوز بیرگن سوو تاشقین‌لری کمیده 70 اوی‌نی باسگن و محل اهالیسی‌نینگ وضعیتی جوده هم خواطرلی دیر.
اوشبو موضوع نی تصدیق‌لگن فاریاب ولایتی‌نینگ طبیعی حادثه‌لرگه قرشی کوره‌ش اداره‌سینی باشلیغی عبدالوهاب اکبری‌نینگ ایتیشیچه، یاردم ییتکزووچی تیرمه جماعه‌لر منطقه گه ییتیشگن و زیان کورگن‌لرگه یاردم ترقه‌تیش جریانی تیزلیک‌که باشلنه‌دی.
فاریاب ولایتی‌نینگ آلتی تومنی‌نی سوو تاشقین‌لری اندخوی گه تیگیشلی تورت تومن‌گه باغلنه‌دی و شو یوزه‌دن مذکور تومن‌لرنینگ یشاوچی‌لری یاغینگرچیلیک موسوم‌لریده کوپلب سوو تاشقین‌لریدن زیان کوره‌دیلر.
