فاریاب مرکزی میمنه شهریده خاتین-قیزلرگه روحیه بیریش اوچون بیرینچی مرته فلم بیره‌می اوتکزیلدی.
بو فلم بیره‌می عیالرگه صادر ایتیله‌دیگن خشونت‌لر آلدینی آلیش، ناتینج‌لیکلر و ولایت عیاللریگه روحیه بیریش اوچون اویوشتیریلگن ایکن.
مذکور بیره‌م « میمنه فلم بیره‌می» ناملی ایکن و اخبارات و مدنیت ریاستی و ولایت عیاللر ریاستی تامانیدن یولگه قویلگن.
اوشبو فلم بیره‌میده مستند بولگن کوتاه فلم‌لر«زخم زنده‌گی، دخت افغان، درد دل رابعه، زنده‌گی دوباره، آلتین فلم و امید نو برای صلح» ناملی فلم‌لرکورگوزمه گه قویلگن ایکن.
فاریاب اخبارات و مدنیت باشلیغی عبدالرشید منصوری، بونقه بیره‌ملردن اصلی هدف فاریاب خاتین-قیزلریگه روحیه بیریش دیگن. او، شونقه بیره‌ملرنی اوتکزیلیشی بیلن عیاللرنینگ مدنیت، اجتماع، دین، سیاست و عایله‌وی گپلرگه قتنه‌شیشلری اوچون تأثیرلی بیله‌دی.
جناب منصوری‌نینگ کوپه‌یتیریشیچه، اوتمیش‌ده اولکه عیاللری کوپلب محروم‌لیکلر بیلن حیات کیچیرگن و شوسونگی ییللرده عیاللر اوچون خشونت جدی قیینچی‌لیکلردن بولگن.
ولایت عیاللر ریاستی باشلیغی شریفه عظیمی هم اوشبو بیره‌مده قتنشگن ایدی، اونینگ ایتیشیچه، شونقه برنامه‌لر یولگه قویلیشی عیاللرگه قرشی خشونت‌لر آزه‌یشیگه سبب بوله‌دی.
شوبیلن بیرگه هردایم بشرحقوقی مدافع نهادلری‌نینگ بیلدیریشیچه، قشاق‌لیک و سوادسیزلیک، اهالی نینگ حقوقیدن خبرسیزلیگی و قانون تطبیق بیریلمه‌گنلیگی جدی قیینچی‌لیکلردن سنه‌لیب بو ولایت عیاللریگه قرشی خشونت‌لر آرتیشی‌گه سبب بولیب کیلگن.
اولکه بویلب اوزاغ ییرده جایلشگن ولایتلردن بیری فاریاب دیر.
