فاریاب ولایتی کوهستان ولسوال‌لیگی‌نینگ قوم بویوک‌لری همده یشاووچی‌لری، تورت کوندن بیری اونلب طالب لولاش بندری همده ولسوال‌لیک‌نی تصرف قیلیش اوچون هجوم‌گه باشله‌گن لیک‌لرینی ایتگن‌لر.
موضوع باره‌سیده تشویش بیلدیرگن‌لرگه کوره، دولت مذکور ولسوال‌لیک وضعیتی اوچون جدی اعتبار قرتمه‌گن حالده، یقین کیله‌جکده کوهستان طالب‌لر نظارتی‌گه اوته‌دی.
ولسواللیک‌نینگ اهالی کینگشی رییسی داکتر سعادت‌نینگ سلام‌وطندارگه ایتیشیچه، کوهستان اوتگن تورت کون ایچیده نیچه بار طالب‌لر آرقه‌لی هجوم آستی‌گه آلینگن.
کوهستان مردمی کینگشی رییسی، نیچه مرته دولت رسمیلری بیلن علاقه‌ده بولیب یاردم سوره‌گن لیگینی ایتگن، اما مرکزی حکومت هنوزگچه بو مساله اوچون جدی اعتبار قرتمه‌گن.
اوز نامی فاش ایتیلشی‌نی ایستمه‌گن کوهستان ولسوال‌لیگی‌نینگ یشاووچی‌لریدن بیریگه کوره، کوهستان ولسوال‌لیگی وبندر لولاش منطقه‌لری سقوط قیلگن حالده، گرزیوان، بلچراغ، المار و قیصار هم طالب‌لر تامانیدن جدی تهدید ایتیله‌دی.
عین حالده، فاریاب محلی رسمیلری، کوهستان ولسوال‌لیک‌لری سقوط قیلیشی اوچون بولگن خواطرلر بر طرف ایتیلیشی اوچون حربی کوچلر یوباریلگن دیگن‌لر.
فاریاب ولایت سرپرستی عبدالستار بارزنینگ ایتیشیچه، امنیتی کوچلر، طالب‌لرگه قرشی عصیان کوتارگن اهالی‌گه هوا دن همکارلیک قیله‌دی.
جناب بارز، اوروش جریانی‌ده هنوزگچه 4 طالب هلاک بولیب باشقه 4 طالب قول‌گه آلینگن دیگن.
فاریاب مملکت شمالی‌ده‌گی نابرقرار ولایت‌لر جمله‌سی‌دن، سونگی بیر نیچه آی جریانی‌ده طالب‌لر بو ولایت‌نینگ ایریم ولسوال‌لیک‌لرینی جدی تهدید آستی‌گه آلگن‌لر.
کوهستان اهالی‌سی‌گه کوره، بو تورتینچی مرته دیرکه اوتگن نیچه آی ایچیده کوهستان ولسوال‌لیگی هجوم آستی‌گه آلینه‌دی.
