فاریاب ولایتینینگ محلی مسووللری، مذکور ولایت‌ده اوچ مکتب نینگ قوریلیش ایشی باشله‌نیشی بیلن جاری ییلده باشقه 6 مکتب هم قوریلیشی ممکن لیگینی ایتگن‌لر.
فاریاب معارف اداره‌سی نینگ باشلیغی غلام سخی بیان بوگون (یکشنبه) مذکور ولایت‌ده اوچ مکتبنینگ ایشی باشله‌نیشی مناسبتی بیلن اوتکزیلگن ییغین جاری ییلده ناروی حکومتی مالی همکارلیگی بیلن باشقه 6 مکتب هم قوریلیشی نی بیلدیرگن.
معارف ادارهسینینگ رییسی، 9 ته مکتب ناروی حکومتی نینگ 2 میلیون دن آرتیق دالری یاردمی اساسیده قوریله‌دی دیگن.
شونینگ‌دیک بیان، جاری ییلده باشقه 90 مکتب هم قیته قوریلیشی‌نی معلوم قیلگن.
بو مکتب‌لر معارف وزیرلیگی نینگ بودجه‌سی‌دن اجره تیلگن 220 میلیون افغانی مبلغ ده قوریله دی.
جناب بیانگه کوره، 9 مکتب قوریلیشی بیلن 20 مینگ اوقوچی‌نینگ قیین چیلیگی حل ایتیله‌دی.
ایتیلیشیچه، بو اوقوچی‌لر حاضر درخت‌لر و چادر لر آستی‌ده درس اوقیب کیله دیلر.
شونینگ‌دیک معارف رییسی، ولایت ده ینگی مکتب‌لر بناسی قوریلیشی اوچون محلی حکومت نینگ جدی سعی و حرکتی بارلیگی‌نی بیلدیرگن.
فاریاب معارف ادارهسینینگ مسووللری، ولایت بویلب 533 مکتب فعالیت قیله‌دی بولردن 260اوچون هنوز اساسی بنا قوریب بیریلمه گن لیگی نی ایتگن‌لر.